Unnið er með stofnföll falla, óákveðið og ákveðið heildi og heildunaraðferðir. Deildajöfnur af fyrsta stigi eru skoðaðar, einnig runur og raðir.
STÆR3DF05
Nemandi skal hafa öðlast þekkingu og skilning á:
tengslum deildunar og heildunar
helstu aðferðum við að finna ákveðin og óákveðin heildi
fyrsta stigs deildajöfnum
runum, röðum og þrepasönnunum
Nemandi skal hafa öðlast leikni í að:
beita hlutheildun, innsetningu og liðun í stofnbrot við lausn heilda
nota heildun til að reikna flatarmál undir ferli og rúmmál snúða
setja upp og leysa fyrsta stigs deildajöfnur
sanna reglur tengdar runum og röðum með stærðfræðilegri þrepun
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt ...sem er metið með... skilaverkefnum og munnlegu prófi
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta, þar með taldar sannanir í námsefni
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.