Fjallað er um rauntölur og fullkomleika þeirra, farið nánar í ýmis grundvallarhugtök eins og markgildi og samfelldni falla og ýmsum aðferðum beitt við að kanna samleitni óendanlegra runa og raða.
STÆR3DH05
Nemandi skal hafa öðlast þekkingu og skilning á:
rauntalnakerfinu og raunföllum
markgildum falla
undirstöðueiginleikum samfelldra og deildanlegra falla
samleitni óendanlegra runa og raða af ýmsum gerðum
Nemandi skal hafa öðlast leikni í að:
finna markgildi falla
beita reglum sem byggja á undirstöðueiginleikum samfelldra falla
beita mismunandi aðferðum til að kanna samleitni óendanlegra runa og raða
setja niðurstöður sínar fram á skýran og skilmerkilegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
geta skráð lausnir sínar skýrt og á gagnrýninn hátt, skipst á skoðunum við aðra um þær og útskýrt á viðeigandi hátt
fylgja stærðfræðilegri röksemdafærslu og geta byggt upp einfaldar sannanir á eigin spýtur
takast af miklu öryggi á við stærðfræðileg verkefni
hagnýtt sér stærðfræðilega þekkingu sína til ákvarðanatöku í sérhæfðum verkefnum
takast á við stærðfræðileg verkefni þar sem nota þarf ólíkar aðferðir samtímis eða hverja á eftir annarri
Lögð er áhersla á fjölbreytt námsmat. Vinna nemenda í kennslustundum er metin, lögð eru fyrir hlutapróf og verkefni. Lokapróf er í áfanganum.