Áfanginn er valáfangi á öllum brautum. Helstu efnisþættir eru: efna- og orkubúskapur lofthjúps jarðar, loftþrýstingur, vindar, geislun, úrkoma. Veður, veðrakerfi og veðurfar. Veðurkort og veðurspár, hæðir og lægðir. Veðurfarsleg fyrirbæri s.s. þrumur og eldingar, skýstrokkar, fellibyljir og stormar. Loftslagsbreytingar og áhrif mannsins. Loftslags- og gróðurbelti jarðar. Efnaskipti lofts og sjávar. Samspil veðrakerfa og hafstrauma. Gert er ráð fyrir að farið verði í nokkrar heimsóknir og námskynningar í stofnanir. Kennsluaðferðir miða að því að auka sjálfstæði og ábyrgð nemenda á eigin námi. Nemendur velja verkefni og vinna sjálfstætt einir eða í hóp. Verkefni miða að því að auka skilning og áhuga nemenda á umhverfi og náttúru.
JARÐ1FH03, grunnáfangi í efnafræði eða aðrir sambærilegir áfangar
Nemandi skal hafa öðlast þekkingu og skilning á:
viðfangsefnum veðurfræðinnar og hagnýtingu
aðferðum, mælitækjum og einingum sem notuð eru í veðurfræði
efnasamsetningu, lagskiptingu og eðliseiginleikum lofthjúps jarðar
loftþrýsingi og hreyfingu loftmassa, mælingum, nýtingu og einingum
vindakerfi jarðar og vindafari á Íslandi
skýjaflokkun, skýjum í lægðum og hæðum
veðurkortagerð, táknum og tækjum, veðurspám
árstíðum, orsökum og samhengi við veðurfar
ýmsum veðurfarslegum fyrirbærum
loftslagsbeltum jarðar
hafstraumum
hringrásum efna í vistkerfum jarðar
loftmengun og breytingum á loftslagi
Nemandi skal hafa öðlast leikni í að:
skipuleggja úrlausn verklegra æfinga sem tengjast veðri og umhverfi
skrá skipulega mæliniðurstöður
greina mæliniðurstöður
lesa úr veðurkortum
greina ský og nýta skýjamyndanir til að segja til um veður
Nemandi skal geta hagnýtt þá almennu þekkingu og leikni sem hann hefur aflað sér til að:
lesa af mælitækjum sem notuð eru til veðurmælinga og túlka mæliniðurstöður
spá fyrir um veður af nokkru öryggi
sjá samhengi og áhrif lifnaðarhátta á loftslag
leggja mat á upplýsingar um veðurfyrirbæri
meta mögulegar veðurfarslegar ógnir
leggja mat á veðurfræðilegar upplýsingar sem nýtast í daglegu lífi