Kynnt eru grunnhugtök og meginviðfangsefni hagfræðinnar. Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helstu hagstærðir þjóðarbúsins og innbyrðis tengsl þeirra. Meginþættir í efnahagsþróun eru teknir fyrir og hagræn vandamál skoðuð með dæmum úr íslensku efnahagslífi. Kynnt er margvísleg framsetning á hagfræðilegu efni. Nemendur fá þjálfun í að lesa úr línuritum og innsýn í notkun vísitalna, hlutfallareiknings, vegins meðaltals og fleiri algengra aðferða við vinnslu á hagfræðilegum upplýsingum. Áhersla er lögð á að nemendur geti hagnýtt sér Netið til öflunar hagfræðilegra upplýsinga.
Engar
Nemandi skal hafa öðlast þekkingu og skilning á:
grunnhugtökum og kenningum í þjóðhagfræði
hringrás efnahagslífsins
hagtölum og hagkerfum
mismunandi hagkerfum, uppbyggingu þeirra og starfsemi
hagstjórn/fjármálastefnu
Nemandi skal hafa öðlast leikni í að:
útskýra grunhugtök og kenningar í þjóðhagfræði
þekkja ýmsar þjóðhagstærðir og fjalla um efnahagslegt umhverfi
teikna eftirspurnar- og framboðslínur
vinna með jafnvægisverð, magn á markaði og verðbólgu
vinna með hlutfallslega og algjöra yfirburði
Nemandi skal geta hagnýtt þá almennu þekkingu og leikni sem hann hefur aflað sér til að:
beita grunnhugtökum og kenningum þjóðhagfræðinar
túlka eftirspurnar- og framboðslínur
reikna út jafnvægisverð, magn á markaði og verðbólgu
tjá sig um efnahagsmál og afla sér ganga og upplýsingar um efnahagsmál
túlka og vinna með þjóðhagsstærðir
Námsmatið er tvíþætt. Nemendur þreyta próf í tímum og senda inn skilaverkefni,einstaklings og hópa.