Fjallað er um helstu fjölskyldugerðir í nútímasamfélagi og þær breytingar sem hafa orðið á fjölskyldum og hlutverki þeirra í sögulegu ljósi. Einnig eru skoðaðar ólíkar félagslegar þarfir sem og félagslegir erfiðleikar sem geta komið fram í fjölskyldum og lagalegur réttur þeirra til félagslegrar þjónustu.
FSFÞ1FJ05
Nemandi skal hafa öðlast þekkingu og skilning á:
fjölbreytileika fjölskyldna í íslensku samfélagi og breyttu hlutverki fjölskyldunnar í nútímasamfélagi.
helstu þáttum félagslegrar þjónustu og forsendum réttinda.
barnaverndarlögum.
ólíkum þörfum fjölskyldna vegna erfiðra félagslegra aðstæðna, s.svímuefnavanda, ofbeldis, fjárhags- eða samskiptavanda.
fjölskyldum seinfærra foreldra.
mikilvægi þess að afla upplýsinga og vísa fólki áfram til að leita lausna í erfiðri stöðu.
mikilvægi víðsýni og umburðarlyndis í þjónustu við fólk í fjölbreyttum erfiðum aðstæðum.
Nemandi skal hafa öðlast leikni í að:
skoða breytingar á ólíkum fjölskyldugerðum.
skoða breytingar á ólíkum hlutverkum fjölskyldunnar í sögulegu samhengi.
greina þarfir ólíkra fjölskyldugerða. lesa lög og reglugerðir til að gera sér grein fyrir forsendum ýmissa réttinda til félagslegrar þjónustu.
greina ólíkar aðstæður barna út frá réttindum þeirra og velferð.
skoða og greina flóknar aðstæður fjölskyldna sem glíma við félagslegan og persónulega vanda.
afla og miðla upplýsingum um þjónustu fyrir fjölskyldur.
vinna verkefni sem auka víðsýni og umburðarlyndi gagnvart fólki í erfiðum aðstæðum.
Nemandi skal geta hagnýtt þá almennu þekkingu og leikni sem hann hefur aflað sér til að:
öðlast betri skilning á og næmni fyrir fjölbreyttum og erfiðum aðstæðum fjölskyldna sem metið er með dagbókarskrifum nemanda.
leiðbeina einstaklingum og fjölskyldum með því að gera grein fyrir réttindum fólks til félagslegrar þjónustu sem í boði er hverju sinni. Þetta er mælt með verkefnalausnum ásamt málstofum þar sem lausnir eru greindar og val úrræða rökstutt.
vinna að velferð barna í erfiðum aðstæðum með því að upplýsa og styðja foreldrana ásamt því að greina vanrækslu og ofbeldi. Þetta er mælt með úrlausnum nemenda á verkefmum sem innihalda mismunandi dæmi um vandamál.
deila með öðrum þekkingu, fordómaleysi og hæfni til að koma til móts við og þjónusta fólk í ólíkum aðstæðum. Mælt með rökræðum og skriflegum verkefnum um siðferðismál.
ástunda sjálfstæð vinnubrögð og yfirfæra reynslu þegar tekist er á við ný verkefni sem mælt er með greininga- og lausnarverkefnum, jafningjamati og umræðum.
Námsmat er fjölbreytt og byggist á einstaklings- og hópverkefnum byggðum á námsefni frá kennara, upplýsingaleit á neti um réttindi og þjónustutilboð. Dagbókarverkefni eru unnin alla önnina til að þróa og meta hæfni nemenda til að setja sig inn í aðstæður fólks. Veigamikill þáttur í námsmati er virkni og fumkvæði í lausnamiðaðri umræðu um siðferðileg og persónuleg málefni. Lokaverkefni með heimildavinnu og kynningar. Áhersla er lögð á að nemendur miðli eigin reynslu úr lífi og starfi til annarra nemenda í áfanganum.