Markviss þjálfun í munnlegri tjáningu, hlustun, lestri, ritun og orðaforðauppbyggingu. Í þessum áfanga er lokið við innlögn grunnþátta málkerfisins auk þess sem valdir þættir eru rifjaðir upp í takt við þarfir nemendahópsins. Nemendur fræðast um menningu og staðhætti spænskumælandi landa, einkum í Rómönsku Ameríku í gegnum texta, kvikmyndir, gestafyrirlestra og þemavinnu.
SPÆN2LE05
Nemandi skal hafa öðlast þekkingu og skilning á:
fjölþættum orðaforða í samræmi við hæfni- og leikniviðmið áfangans
grunnatriðum málkerfisins
ólíkri sögu, menningu, staðháttum og þjóðfélagsgerð ýmissa spænskumælandi landa
helstu framburðareinkennum hinna ýmsu spænskumælandi þjóða
grunnatriðum spænsks málkerfis
Nemandi skal hafa öðlast leikni í að:
fylgja meginþræði í samtölum og frásögnum um kunnugleg málefni, t.d. í fjölmiðlum
skilja mál sem talað er með mismunandi hreim og við mismunandi aðstæður
skilja algengustu orðasambönd sem eru einkennandi fyrir talað mál
lesa margs konar gerðir texta og beita þeim lestraraðferðum sem við eiga eftir því hverrar gerðar textinn er
taka virkan þátt í samskiptum á viðeigandi hátt og beita málfari við hæfi
tjá sig nokkuð skýrt og hnökralaust um málefni sem hann hefur kynnt sér og undirbúið
skrifa samfellda texta af ýmsum toga, s.s. útdrætti, endursagnir, frásagnir og óformleg sendibréf
nota sjálfstæð og viðeigandi vinnubrögð í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
greina megininntak talaðs máls af ýmsum toga um kunnugleg umræðuefni ...sem er metið með... verkefnum og prófum
tileinka sér efni ritaðs texta og hagnýta á mismunandi hátt ...sem er metið með... verkefnum og prófum
taka þátt í skoðanaskiptum og nota til þess viðeigandi orðaforða ...sem er metið með... verkefnum og munnlegri framsögn
tjá sig á skýran hátt í ræðu og riti og beita tungumálinu af tiltölulega mikilli nákvæmni við ýmiss konar aðstæður ...sem er metið með... munnlegum og skriflegum verkefnum
Lokapróf og símat sem byggist á ýmsum munnlegum og skriflegum verkefnum sem unnin eru yfir önnina.