Það kom upp villa senda inn  Áfangi

    Áfangi Nánari upplýsingar


    Búið til: 1337687290

    Tölvugrafík og tölvuleikir
    STÆR3LE05
    23
    stærðfræði
    tölvugrafík og tölvuleikir
    Samþykkt af skóla
    3
    5
    Áfanginn er fyrir nemendur á náttúrufræðibraut og aðra sem hafa áhuga. Hvernig er hægt að lýsa staðsetningu og hreyfingu hluta með nákvæmum hætti? Hvernig eru grafísk kvik líkön (eins og tölvuleikir) sett upp í tölvu? Það að svara þessum spurningum, er að skapa stærðfræði. Nokkur stærðfræðileg hugtök sem koma við sögu eru hnitakerfi, vigrar, færslur, ferlar, föll, fylki og rakning. Unnið verður í forritunarmálinu Processing, og nemendur eiga að búa til sinn eigin tölvuleik (eða alvarlegt grafískt líkan). Kennslufyrirkomulag - kennsluaðferðir: Hópvinnutímar með umræðum og stuttum fyrirlestrum, þar sem áhersla er lögð á að kryfja efnið til að dýpka skilning. Nemendur vinna verkefni frá kennara saman í hóp eða einir eins og hverjum hentar en skila sjálfstæðum verkefnum. Lokaafurðin er tölvuleikur sem verður til smátt og smátt eftir því sem líður á áfangann og verður tölvuleikurinn uppistaðan í námsmatinu.
    STÆR2LÆ05
    Nemandi skal hafa öðlast þekkingu og skilning á:
    • hvernig tvívíð kvik tölvugrafík er venjulega skipulögð með hnitakerfi og færslum
    • helstu eiginleikum vigra
    • helstu eiginleikum tvívíðra færslna og hvernig þær eru settar fram með fylkjum
    • flæði forrita með rökskilyrðum
    • ýmsum föllum og ferlum og stikaformi þeirra
    • hvernig nota má eðlisfræðilögmál til að gera sannfærandi hreyfimyndir.
    Nemandi skal hafa öðlast leikni í að:
    • beita vigrum, færslum, ferlum og föllum til að búa til hreyfimyndir í tölvum
    • tjá sig og útskýra hvernig það er gert.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • búa til og útskýra sinn eigin tölvuleik (eða alvarlegt grafískt líkan).
    Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.