Í áfanganum er lögð áhersla á að nemendur öðlist þekkingu á íslenskum bókmenntum frá landnámsöld til siðaskipta. Fjallað verður um upphaf ritunar á Íslandi og bókmenntasögu tímabilsins. Lesin verða eddukvæði, Íslendingasaga, Íslendingaþættir, helgikvæði og veraldleg kvæði. Nemendur skrifa bókmenntaritgerð um afmarkað efni og tjá sig munnlega og skriflega um efni áfangans.
Nemandi þarf að hafa náð fullri hæfni á 2. þrepi
Nemandi skal hafa öðlast þekkingu og skilning á:
orðaforða sem nægir til að lesa helstu verk íslenskra bókmennta
mismunandi tegundum íslenskra bókmennta að fornu
helstu bókmenntahugtökum og sögu bókmennta frá landnámi til siðaskipta
ritgerðasmíð og heimildavinnu
Nemandi skal hafa öðlast leikni í að:
beita bókmenntahugtökum til greiningar á bókmenntatextum
lesa ýmsar gerðir ritaðs máls að fornu sér til gagns og gamans
skilja lykilhugtök og greina mismunandi sjónarmið
draga saman og nýta á viðurkenndan hátt upplýsingar úr hvers kyns heimildum og meta áreiðanleika þeirra
rita bókmenntaritgerð þar sem hann beitir gagnrýninni hugsun við úrvinnslu efnis og heimilda og setur mál sitt fram á skýran og greinargóðan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran og greinargóðan texta og beita málinu á viðeigandi hátt hverju sinni
beita gagnrýninni hugsun við lestur, túlkun og úrvinnslu krefjandi texta
sýna frumkvæði og sjálfstæð vinnubrögð
greina og túlka bókmenntaverk og skrifa bókmenntaritgerð um afmarkað efni
Leiðsagnarmat sem byggir á fjölbreyttum verkefnum bæði munnlegum og skriflegum. Einnig verða lagðar fyrir kannanir úr eddukvæðum, Egils sögu og bókmenntasögu. Ritgerð úr Egils sögu er veigamikill þáttur í matinu ásamt smærri verkefnum af ýmsu tagi.