Grunnur lagður að vinnubrögðum í stærðfræði og byggt er ofan á grunn sem nemendur hafa lært í grunnskóla. Efni áfangans er talnareikningur, algebra, jöfnur, rúmfræði, hnitakerfi og föll ásamt tölfræði.
Grunnskólapróf
Nemandi skal hafa öðlast þekkingu og skilning á:
uppsetningu og lausn á jöfnum og formúlum
ýmsum reglum og beitingu þeirra t.d Pýþagorasreglan
talnahlutföllum, prósentum og vöxtum
frumhugtökum rúmfræðinnar
hnitakerfi, hallatölum, skurðpunktum og öðru sem því tengist
einslögun, hlutföllum og hornaföllum í rétthyrndum þríhyrningi
helstu grunnhugtökum í tölfræði
notkun og úrvinnslu ýmissa tölfræðigagna
Nemandi skal hafa öðlast leikni í að:
setja upp og leysa jöfnur og formúlur
nota mismunandi reglur stærðfræðinnar þegar við á
vinna með hlutföll, prósentur og vexti
nýta sér tugveldisrithátt og mælinákvæmni til að bera saman tölur
vinna með frumhugtök rúmfræðinnar
vinna með og leysa ýmis dæmi tengd þríhyrningum
vinna úr og nýta tölfræðigögn
Nemandi skal geta hagnýtt þá almennu þekkingu og leikni sem hann hefur aflað sér til að:
beita jöfnum og formúlum á réttan hátt við lausn ýmissa verkefna
beita hlutfallareikningi við lausn raunverulegra verkefna.
nýta sér frumhugtök rúmfræðinnar í daglegu lífi
nýta sér hornafallareikning í praktískum tilgangi
nota tölfræði í tengslum við raunveruleg úrlausnarverkefni
Leiðsagnarmat þar sem vinna nemanda er metin jafnóðum allan námstimann. Til grundvallar matinu eru eftirfarandi þættir:
Meðaltal skilaverkefna t.d heimadæma (30%)
Meðaltal kaflaprófa (50%)
Meðaltal smærri verkefna (skila- og tímaverkefna (15%)
Mat kennara á vinnu nemenda, vinnubrögðum og framförum (5%)