Markmiðið er að nemendur öðlist skilning á helstu hugtökum og viðfangsefnum heimspekinnar og nokkra færni í beitingu þeirra. Byrjað verður á heillislíkingu Platóns, farið yfir draumarök Descartes og billjarðkúlur Humes, auk hugmynda Kants um nauðsyn þess að þora að hugsa sjálfstætt. Hugað verður að gagnrýni póstmódernista á vísindahyggju og algildan sannleika og viðbrögðum vísindamanna við meintu tískubulli og gervivísindum.
Engar.
Nemandi skal hafa öðlast þekkingu og skilning á:
helstu kenningum í þekkingarfræði
muninum á skoðun og þekkingu
muninum á afleiðslu og aðleiðslu
vísindalegri aðferð
sókratískri aðferð
Nemandi skal hafa öðlast leikni í að:
lesa þekkingarfræðilegt efni til skilnings
beita hugtökum eins og aðleiðslu og afleiðslu skilmerkiega
útskýra heimspekilegan texta með sínum eigin orðum
setja fram spurningar og taka þátt í heimspekilegri umræðu
tjá heimspekiþekkingu sína á munnlegan og skriflegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um rökhyggju og raunhyggju á gagnrýninn hátt ...sem er metið með... umræðum og verkefnum úr lesefni áfangans
taka þátt í gagnrýninni samræðu um heimspekilegt efni ...sem er metið með... umræðum og verkefnum um málefni líðandi stundar
skrifa heimspekiritgerð um tiltekið efni ...sem er metið með... heimildaritgerð skv. akademískum kröfum
vinna sjálfstætt og í samvinnu við aðra á gagnrýninn og lýðræðislegan hátt ...sem er metið með... einstaklings- og hópaverkefnum
Leiðsagnarmat þar sem vinna nemandans er metin jafnóðum allan námstímann. Til grundvallar matinu eru eftirfarandi þættir: Ýmis verkefni (70%), drög að heimildaritgerð (10%), heimildaritgerð (20%)