Kynnt eru grunnhugtök og meginviðfangsefni hagfræðinnar. Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helztu hagstærðir þjóðarbúsins og tengsl þeirra. Meginþættir í efnahagsþróun eru teknir fyrir og hagræn vandamál skoðuð með dæmum úr íslenzku efnahagslífi. Kynnt er margvísleg framsetning á hagfræðilegu efni. Nemendur fá þjálfun í að lesa úr línuritum og innsýn í notkun vísitalna, hlutfallareiknings og fleiri algengra aðferða við vinnslu á hagfræðilegum upplýsingum. Nemendur noti Netið til öflunar upplýsinga í áfanganum. Nemendur vinna sjálfstæð verkefni sem tengjast íslenzku efnahagslífi og taka þátt í umræðum um valin efni.
engar
Nemandi skal hafa öðlast þekkingu og skilning á:
hagfræði sem fræðigrein, meginviðfangsefnum og grundvallarspurningum
mismunandi hagkerfum og hlutverki þeirra
lögmálum markaðarins, framboði og eftirspurn. Verðmyndun og launamyndun á markaði
hlutverki og umsvifum hins opinbera í hagkerfinu
hlutverki seðlabanka, milliríkjaviðskipum, gengismálum, verðbólgu og atvinnuleysi
Nemandi skal hafa öðlast leikni í að:
reikna og teikna jafnvægi á markaði e. gefnum jöfnum framboðs og eftirspurnar og meta niðurstöður slíkra verkefna
reikna verðteygni
reikna atvinnuleysisprósentu
reikna hagvöxt og verðbólgustig
reikna þjóðhagstærðir svo sem lands- og þjóðarframleiðslu, fjárfestingu og sparnað og skyldar þjóðhagsstærðir
reikna hlutfallslega yfirburði í milliríkjaviðskiptum
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á upplýsingar um efnahagsmál og sótt þær á Netið
taka þátt í upplýstri umræðu um efnahagsmál og tengt þær við efni áfangans
Námsmat er útfært í kennsluáætlun í samræmi við skólanámskrá.