Í áfanganum er lögð áhersla á að nemendur læri um hlutverk þjálfara í íþróttastarfi, sérstaklega við þjálfun barna á aldrinum þriggja til tólf ára. Lögð er áhersla á skipulag þjálfunar, áætlanagerð og markmiðssetningu. Nemendur fá undirstöðuþekkingu í kennslu- og aðferðafræði íþrótta og þjálfun í að bregðast við íþróttameiðslum. Farið verður yfir upphitun bæði almenna og sérhæfða Fjallað er um mataræði íþróttamanna og áhrif fíkniefna á afkastagetu og árangur. Einnig er lögð áhersla á að nemendur læri um uppbyggingu frjálsra félagasamtaka, sérstaklega íþróttafélaga. Nemendur þjálfast í stjórnunarstörfum, s.s. að sjá um fundarsköp, stjórna fundum og skrásetja fundargerðir, læra um helstu hlutverk stjórnarmanna eins og hlutverk formanns, varaformanns, gjaldkera, ritara og meðstjórnenda. Nemendur læra um mikilvægi stefnumótunar og skrásetningar markmiða í félagsstarfi, um uppbyggingu félaga og kynnist skipulagi og helstu skipuritum sem starfað er eftir. Nemendur fái að kynnast ýmsum þáttum í almennu félagsstarfi, s.s. skipulagi og undirbúningi ferða, fararstjórn og stjórnun kvöldvöku. Í áfanganum er einnig komið inn á samskipti heimila og frjálsra félaga, jafnrétti, vímuvarnarstefnu íþróttafélaga.
Engar
Nemandi skal hafa öðlast þekkingu og skilning á:
hlutverki þjálfara í íþróttum
að skipuleggja þjálfun og markmið hennar
helstu þroskaþáttum barna
helstu þjálfunaraðferðum
tilgang upphitunar
uppbyggingu frjálsra félagasamtaka
hlutverki helstu stjórnenda félaga
starfsemi íþróttafélaga, sérgreina- og fjölgreinafélaga
mikilvægi samvinnu og hópstarfs í frjálsum félagasamtökum
gera sér grein fyrir hlutverki sínu sem fyrirmynd
Nemandi skal hafa öðlast leikni í að:
skipuleggja einstakar æfingastundir
greina á milli þjálfunar barna og fullorðinna
nýta sér upplýsingatækni við skipulag þjálfunar
rita fundargerðir
stjórna fundum og framsögn
Tímaseðlagerð
Nemandi skal geta hagnýtt þá almennu þekkingu og leikni sem hann hefur aflað sér til að:
geta stjórnað æfinga tíma barna með þroska þeirra í huga
geta stjórnað upphitun fyrir alla aldurshópa
geta útbúið tímaseðla
geti skipulagt þjálfun til skemmri og lengri tíma
geti stjórnað fundum
geti skipulagt keppnisferðalag með börnum
geti skipulagt mataræði með það að markmiði að ná árangri í íþróttum
Próf 40% Tímaverkefni/Heimaverkefni 50% ástundun og vinna í tímum 10%