Það kom upp villa senda inn  Áfangi

    Áfangi Nánari upplýsingar


    Búið til: 1352815547

    Aðferðafræði
    FÉLA3AÐ05
    11
    félagsfræði
    aðferðafræði
    Samþykkt af skóla
    3
    5
    Í þessum áfanga er áhersla lögð á tengsl á milli kenninga og rannsóknaraðferða innan félagsfræðinnar. Nemendur kynna sér megindlegar og eigindlegar rannsóknir innan félagsfræðinnar í þeim tilgangi að þeir geti metið, tekið afstöðu til og fjallað á gagnrýnin hátt um niðurstöður rannsókna. Auk þess að geta greint á milli þessara ólíku rannsóknarhefða þá er í áfanganum fjallað sérstaklega um sögu og þróun megindlegra rannsóknaraðferða og stöðu þeirra innan félagsvísinda í dag. Farið verður yfir helstu einkenni þessara rannsókna og við hvaða aðstæður megindlegar aðferðir henta best. Ítarlega verður fjallað um helstu rannsóknaraðferðir og lögð áhersla á að nemendur öðlist reynslu í að beita þessum aðferðum. Þá er fjallað um greiningu megindlegra rannsóknargagna og skrif á rannsóknarniðurstöðum. Rætt verður um aðferðafræðileg og siðfræðileg vandamál sem tengjast rannsóknum.
    FÉLA2SS05
    Nemandi skal hafa öðlast þekkingu og skilning á:
    • sjónarhornum kenninga í félagsfræði
    • sértækum hugtökum félagsfræðinnar
    • megindlegum og eigindlegum rannsóknaraðferðum
    • hvað hefur áhrif á val á rannsóknaraðferð
    • helstu aðferðum innan megindlegrar rannsóknarhefðar
    Nemandi skal hafa öðlast leikni í að:
    • tengja saman rannsóknarniðurstöður og kenningar
    • nýta fræðilegan texta á íslensku og ensku
    • beita megindlegum rannsóknaraðferðum á margvísleg viðfangsefni
    • beita fræðihugtökum á margvísleg viðfangsefni
    • miðla fræðilegu efni í ræðu og riti
    Nemandi skal geta hagnýtt þá almennu þekkingu og leikni sem hann hefur aflað sér til að:
    • geta séð samfélagið út frá ólíkum kenningarlegum sjónarhornum
    • vinna úr megindlegum rannsóknargögnum og leggja mat á félagsfræðirannsóknir
    • leggja mat á hvaða rannsóknaraðferðir henta best við margvíslegar aðstæður og á mismunandi rannsóknarefni
    • meta eigin frammistöðu og vinnuframlag sem og annarra á gagnrýnin hátt. Geta sett fram þekkingu sína í ræðu og riti
    Námsmat er útfært í kennsluáætlun í samræmi við skólanámskrá.