Farið er í gerð og starfsemi taugakerfis, einkum heila og taugafrumna. Hormónakerfið og tengsl hormóna við hegðun eru einnig tekin fyrir. Skynjun, lífeðlislegar undirstöður hennar og hugræn úrvinnsla er til umfjöllunar, sem og skynvillur. Fjallað er um vitund og breytt vitundarstig svo sem: svefn, drauma, dagdrauma, dáleiðslu og vímu af völdum lyfja.
Áherslur áfangans kunna að ráðast nokkuð af áhuga nemenda og kennara.
SÁLF2SS05
Nemandi skal hafa öðlast þekkingu og skilning á:
skiptingu taugakerfisins, grunneiningum þess og virkni
tengslum heila- og hormónastarfsemi við hegðun hugsun og tilfinningar
áhrifum lyfja á taugakerfið
gerð skynfæranna fimm, einkum augna og eyrna, virkni þeirra og úrvinnslu skynáreita í heila
mismunandi vitundarstigum, einkum ólíkum stigum svefns
Nemandi skal hafa öðlast leikni í að:
afla upplýsinga um taugalífeðlissálfræði og setja í fræðilegt samhengi
greina helstu aðferðir við rannsóknir á taugakerfinu
miðla fræðilegu efni um taugalífeðlissálfræði skýrt og skilmerkilega í ræðu og riti
greina skaðsemi ávana- og vímuefna og miðla vitneskju sinni til annarra
rekja skynjun frá því að taugafrumur sjónar, heyrnar eða annarra skynfæra eru áreitt og þar til boð berast heila
greina mismun ólíkra vitandarstiga svefns og vöku
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði og vinna á sjálfstæðan og skipulagðan hátt með viðfangsefni taugalífeðlissálfræðinnar
heimfæra viðfangsefni taugalífeðlissálfræðinnar yfir á sjálfan sig og aðra í kringum sig
færa rök fyrir því í hvaða mæli skynjun sé meðfædd eða lærð
fylgjast með eigin vitund og auka líkur á betri svefni
taka þátt í rökræðum um mál sem tengjast efni áfangans
Námsmat er útfært í kennsluáætlun í samræmi við skólanámskrá.