Helstu kenningar, viðfangsefni og rannsóknaraðferðir þroskasálfræðinnar eru tekin fyrir og rýnt í alhliða þroska frá frjóvgun fram á fullorðinsár, einkum líkamsþroska, vitsmunaþroska, persónuleikaþroska og tilfinningaþroska. Byggt er á því sem nemendur hafa áður lært um sögu og sjónarmið sálfræðinnar, rannsóknaraðferðir og nám. Kafað er ofan í mismunandi þætti þrosaksálfræðinnar og helstu álitamál, s.s. erfðir og umhverfi, stigskiptan og samfelldan þroska svo eitthvað sé nefnt. Komið er inn á álitamál eins og barnseignir táninga, fóstureyðingar o.fl. Einnig eru mótunaráhrif fjölskyldu skoðuð auk þess sem tekin eru fyrir frávikshegðun og ýmis vandamál barna og unglinga. Viðfangsefnin geta verið breytileg og mótast af áhuga nemenda og kennara hverju sinni. Í áfangaum vinna nemendur a.m.k. eitt rannsóknarverkefni og flytja fyrirlestur.
SÁLF2SS05
Nemandi skal hafa öðlast þekkingu og skilning á:
þroska mannsins frá frjóvgun fram á fullorðinsár
helstu hugtökum, kenningum, viðfangsefnum, rannsóknaraðferðum og álitamálum þroskasálfræðinnar
vægi þroskasálfræði innan sálfræðinnar og þeim hugmyndum sem hafa haft mest áhrif á framvindu hennar, s.s. hugmyndum sálkönnunar, atferlisstefnu og Piagets
mikilvægi bæði líkamlegrar og andlegrar umönnunar og örvunar fyrir þroska barnsins
mikilvægi fjölskyldunnar sem mótunarafls fyrir einstaklinginn
ýmsum vandamálum sökum uppeldisaðstæðna, sjúkdóma eða fötlunar
Nemandi skal hafa öðlast leikni í að:
tengja viðfangsefni þroskasálfræði við sögu sálfræðinnar og mismunandi sjónarmið hennar
leita upplýsinga um efni tengt þroskasálfræði á fjölbreyttan hátt, s.s. með rannsóknum, í bókum, á netinu og í tímaritum, og setja í fræðilegt samhengi
skipuleggja og framkvæma einfalda þroskasáfræðirannsókn og gera grein fyrir niðurstöðum í skýrslu
miðla þroskasálfræðilegu efni skýrt og skilmerkilega í ræðu og riti og bregðast við uppbyggilegri gagnrýni
meta eigin verkefni og annarra á faglegan og gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á mismunandi hugmyndir um þroska og mótun mannsins
miðla skoðunum sínum um þroska og mótun mannsins í samræðu og rökræðum
nota hugmyndir þroskasálfræðinnar í samskiptum sínum við börn og í uppeldi þeirra
vinna úr sálfræðilegum gögnum og leggja mat á þau
Námsmat er útfært í kennsluáætlun í samræmi við skólanámskrá.