Það kom upp villa senda inn  Áfangi

    Áfangi Nánari upplýsingar


    Búið til: 1352998050

    Algebra og rúmfræði
    STÆR1AR05
    13
    stærðfræði
    algebra, rúmfræði
    Samþykkt af skóla
    1
    5
    Meginefni áfangans er rúmfræði, bókstafareikningur, jöfnur, beinar línur og prósentur. Efnisþættir sem teknir verða fyrir í áfanganum eru: Rúmfræði: Kynning á frumhugtökum rúmfræðinnar, hornasumma þríhyrnings, hlutföll í þríhyrningum og regla Pýþagórasar. Flatarmál og rúmmál. Horn við hring. Hornaföll í rétthyrndum þríhyrningum. Mælieiningar. Valin atriði þar sem þjálfuð er sönnun reglu. Talnareikningur: Meðferð heilla talna og brota. Hlutföll, prósentur og vextir. Bókstafareikningur: Liðun, þáttun, margliður, uppsettar og óuppsettar jöfnur af fyrsta stigi. Hnitakerfið, jafna og graf beinnar línu og jöfnuhneppi.
    engar. Nemandi skal hafa lokið námsefni grunnskóla og hafa haldgóða undirstöðuþekkingu í stærðfræði
    Nemandi skal hafa öðlast þekkingu og skilning á:
    • rúmfræði, talnareikningi og bókstafareikningi s.s. að framan greinir
    Nemandi skal hafa öðlast leikni í að:
    • vinna með undirstöðuþætti talna- og bókstafareiknings, s.s. röð aðgerða, liðun og þáttun
    • leysa fyrsta stigs jöfnur með einni og tveimur óþekktum stærðum og að einangra eina stærð úr jöfnu með mörgum óþekktum stærðum
    • teikna graf beinnar línu í hnitakerfi, finna hallatölu og skurðpunkta við ása hnitakerfisins og skurðpunkta tveggja lína
    • finna jöfnur lína sem eru samsíða gefinni línu eða hornréttar á hana
    • vinna með hlutföll og kvarða
    • leysa öll algeng dæmi um prósentureikning, þ.m.t. útreikninga á virðisaukaskatti, samsettar prósentur, reikning vaxta og vaxtavaxta
    • leysa rúmfræðileg vandamál, s.s. að finna horn og hliðar í þríhyrningum, reikna flatarmál og rúmmál, reikna stærðir í einslaga þríhyrningum, finna ferilhorn og miðhorn og að vinna með mælieiningar
    • sanna mjög einfaldar rúmfræðireglur
    Nemandi skal geta hagnýtt þá almennu þekkingu og leikni sem hann hefur aflað sér til að:
    • ræða um stærðfræðileg viðfangsefni við aðra og setja úrlausnir sínar fram skriflega á skiljanlegan og snyrtilegan hátt
    • þýða margs konar verkefni á stærðfræðimál og setja þau upp sem jöfnu eða annað stærðfræðilegt viðfangsefni. Meta hvort svör eru raunhæf
    • vinna til baka út frá þekktum stærðum og reglum, t.d. að reikna radíus kúlu ef rúmmál hennar er gefið
    • skilja merkingu helstu stærðfræðitákna og hugtaka í námsefninu
    Námsmat er útfært í kennsluáætlun í samræmi við skólanámskrá.