Það kom upp villa senda inn  Áfangi

    Áfangi Nánari upplýsingar


    Búið til: 1353075209

    Persónan og lífið
    SPÆN1PL05
    14
    spænska
    lífið, persónan, stig a1 í evrópska tungumálarammanum
    Samþykkt af skóla
    1
    5
    Í þessum byrjunaráfanga í spænsku er lögð áhersla á að nemendur nái tökum á grunnatriðum tungumálsins. Nemendur fá innsýn í útbreiðslu spænsku í heiminum og sögu tungumálsins, og læra mun á menningu og orðaforða spænskumælandi landa. Notuð verður tónlist, myndefni og efni af internetinu. Frá upphafi eru nemendur þjálfaðir í öllum málfærniþáttum: ritun og lesskilningi, hlustun og tali. Nemendur fá þjálfun í framburði, læra helstu framburðarreglur og þá bókstafi sem eru sérstakir fyrir spænska tungu. Kennd eru grunnatriði í málfræði, málnotkun, og orðaröð í spænsku. Byggður upp grunnorðaforði. Lögð verður áhersla á sjálfstæð vinnubrögð, að nemendur tileinki sér árangursríka námstækni og læri að meta námsframvindu sína.
    engar
    Nemandi skal hafa öðlast þekkingu og skilning á:
    • orðaforða er fellur undir leikni- og hæfnimarkmið áfangans
    • grundvallaratriðum spænska málkerfisins, s.s. orðaröð í setningum, blæbrigðum, framburði og áherslum (áherslukommur)
    • spænskumælandi löndum og þeim menningarstraumum og siðum er hafa áhrif á málfar þeirra þjóða er hafa spænsku sem móðurmál
    Nemandi skal hafa öðlast leikni í að:
    • skilja þegar talað er skýrt og greinilega um efni sem nemandi hefur lært að tjá sig um
    • skilja einföld fyrirmæli, kveðjur og ávörp
    • lesa og/eða skrifa einfaldan texta sem inniheldur algengan orðaforða er tengist nemandanum, umhverfi hans, fjölskyldu, uppruna, tómstundum, skólagöngu og líðan, ferðalögum, ferðamáta, veðri, fatnaði, mat og drykk
    • nota lýsingarorð um liti, persónuleika, þyngdarstig, o.fl.
    • tjá sig um skoðanir, hvað þeim líkar, langar í og vilja
    • nota málfræðiatriði á réttan hátt, s.s. sagnir í nútíð, nálægri framtíð og núliðinni tíð, persónufornöfn, ábendingafornöfn, andlagsfornöfn í þolfalli, sagnirnar ser, estar og hay skv. reglum og lýsingarorð (andheiti)
    • segja frá sjálfum sér, fjölskyldu sinni og ýmsu úr daglegu lífi og talað um efni sem er honum kunnuglegt
    • geta borið spænsku fram samkvæmt reglum um framburð, áherslur og málvenjur
    • taka þátt í samræðum og greina á milli persónulegs samtals og kurteisisforms
    Nemandi skal geta hagnýtt þá almennu þekkingu og leikni sem hann hefur aflað sér til að:
    • greina einfaldar upplýsingar í þegar talað er hægt og skýrt
    • velja rétt samskiptaform miðað við aðstæður hverju sinni
    • vinna úr textum á mismunandi hátt eftir því hver tilgangurinn er með lestri hverju sinni
    • átta sig á innihaldi stuttra blaðagreina og texta
    • skipuleggja nám sitt og námsaðferðir
    • meta vinnulag og framfarir í áfanganum
    • vera meðvitaðri um hvaða leiðir nýtist best til að tileinka sér spænska tungu
    Námsmat er útfært í kennsluáætlun í samræmi við skólanámskrá.