Það kom upp villa senda inn  Áfangi

    Áfangi Nánari upplýsingar


    Búið til: 1353497612

    Mannlíf og menning
    SPÆN2MM05
    4
    spænska
    mannlíf, menning, nær hugsanlega á stig b2, stig b1 í evrópska tungumálarammanum
    Samþykkt af skóla
    2
    5
    SPÆN2MM05 er fyrsti áfanginn í spænsku á öðru þrepi, og er byggt ofan á þann grunn sem lagður var í SPÆN1FS05. Nemendur halda áfram að auka færni sína í lesskilningi, tali, hlustun og ritun. Unnið er með efni sem býður upp á mjög fjölbreyttan orðaforða, og unnið er með nokkuð flókna texta. Nemendur geta tjáð skoðanir sínar, talað um fyrirætlanir sínar og annarra. Lokið er við yfirferð helstu atriða í spænskri málfræði. Umfjöllunarefni eru ofarlega á baugi í spænskumælandi löndum s.s. innflytjendamál, ólíkir menningarheimar, hátíðir, kvikmyndir, o.fl. Lesin er léttlestrarbók og greinar af netinu, einnig horft á kvikmyndir sem varða þetta efni og unnin verkefni út frá því. Nemendur fá aukna þjálfun í sjálfstæðum vinnubrögðum og að tjá sig í ræðu og riti meir en áður. Við lok áfangans eiga nemendur að vera komnir að mörkum A2 og B1 samkvæmt evrópska matsrammanum.
    SPÆN1FS05
    Nemandi skal hafa öðlast þekkingu og skilning á:
    • aðstæðum og lífsháttum fólks í spænskumælandi löndum með áherslu á líf ungs fólk
    • ólíkum menningarheimum, viðhorfum og gildum sem einkenna samfélag þar sem fólk kemur frá ólíkum menningarheimum
    • þjóðháttum, hátíðum og hefðum fyrr og nú
    • ástæðum þess að spænska er ólík eftir því hvar hún er töluð
    • flóknari orðaforða sem þarf að ráða yfir til að mæta hæfnimarkmiðum áfangans
    • grundvallaratriðum spænska málkerfisins, þ.e. atriðum er varða framburð, hljómfall, stafsetningarreglur, orðaröð og flóknari málfræðiatriðum s.s. skildagatíð, þátíðum og notkun viðtengingarháttar
    Nemandi skal hafa öðlast leikni í að:
    • spyrja, leiðbeina og skipuleggja ferðalög innanlands og utan
    • halda kynningu á efni sem tengist efni áfangans
    • skilja fjölbreytta texta sem tengjast efni áfangans er varða t.d. lífshætti, framtíðarvonir, samband ungs fólks, umfjöllun um þekktar persónur t.d. úr heimi bókmenntanna, kvikmynda, o.þ.h.
    • semja stutt handrit eða texta
    • fylgja innihaldi frásagnar er tengist efni sem fjallað hefur verið um
    • skilja stuttar greinar og texta og geta fjallað um þær munnlega eða skriflega
    • skilja innihald nokkuð þungra texta, með hjálp orðabóka
    • nýta sér viðbætta málfræðikunnáttu er varða sjálfstæð eignarfornöfn, ábendingarfornöfn, beint og óbeint andlag persónufornafna, jákvæðan boðhátt, þátíðir – geri greinarmun á atburðum og ástandi, skildagatíð, einfalda framtíð og fái kynningu á viðtengingarhætti nútíðar
    Nemandi skal geta hagnýtt þá almennu þekkingu og leikni sem hann hefur aflað sér til að:
    • fjalla um viðfangsefni áfangans í ræðu og riti
    • tjá sig um þjóðfélagsleg og menningarleg málefni
    • taka saman texta er tengist tilteknu efni, s.s. kvikmynd eða blaðagrein
    • gera útdrátt úr tilteknu efni og geta túlkað efnið frá eigin brjósti
    • ræða framtíðaráform við aðra og geta rökstutt framtíðarsýn
    • greina aðalatriði í texta hvort sem um ræðir frásögn eða skriflegan texta
    • lesa skáldskap á hæfilegu þyngdarstigi og geta túlkað hann
    • taka þátt í skoðanaskiptum í takt við þyngdarstig áfangans
    • nýta sér ýmis hjálpargögn og upplýsingatækni við t.d. þýðingar, textasmíð, o.fl.
    • meta vinnu og úrvinnslu annarra og sína eigin
    Námsmat er útfært í kennsluáætlun í samræmi við skólanámskrá.