bókmenntir, menning, stig b2 í evrópska tungumálarammanum
Samþykkt af skóla
3
5
Nemendur lesa fjölbreytta texta, bæði fréttatexta þar sem þeir kynnast Danmörku dagsins í dag en einnig fræðilega og bókmenntalega texta svo nemendur kynnist þeim arfi sem menning Dana hvílir á. Einnig er lögð áhersla á að kynna Danmörku í myndum og máli með dönskum kvikmyndum og sjónvarpsþáttum og hlustun á fréttir og umræðuþætti í dönsku útvarpi.
Nemendur vinna sjálfstætt að viðameiri verkefnum í formi kynninga og ritunarverkefna. Áhersla á sjálfstæð vinnubrögð og gagnrýna og um leið skapandi hugsun. Nemendur eiga að geta komið kunnáttu sinni til skila í ræðu og riti. Lokaverkefni áfangans getur t.d. verið á formi heimildaritgerðar, t.d. bókmenntaritgerðar, sem nemendur eiga að kynna í lok spannarinnar.
DANS2MO05
Nemandi skal hafa öðlast þekkingu og skilning á:
dönsku þjóðlífi og menningu og hvernig danskan opnar aðgang að norræna menningarsvæðinu (menntun og atvinnulífi) og hvað er sameiginlegt og hvað er ólíkt með hinum Norðurlandaþjóðunum
mikilvægi þess að beita mismunandi lestraraðferðum eftir tilgangi lesturs
orðaforða sem gerir nemandanum kleift að skilja fræðilega texta sem og daglegt mál
almennum málfræðireglum dansks máls svo hægt sé að rita skammlausan texta á dönsku
uppsetningu og skipulagi ritaðs máls og hvernig velja skal heimildir
Nemandi skal hafa öðlast leikni í að:
skilja eðlilegt talað mál við mismunandi aðstæður en einnig flóknara talað mál og jafnvel umræður á dönsku
lesa fjölbreytta texta um ólík efni og beita þeim lestraraðferðum sem henta hverju sinni
tjá sig munnlega á dönsku um málefni sem hann hefur kynnt sér
rita texta af ólíkum gerðum. Styttri texta svo sem starfsumsókn, auglýsingu, umfjöllun um skáldsögu eða kvikmynd, sendibréf o.s. frv. og lengri texta svo sem bókmenntaritgerð eða aðra fræðilega ritgerð þar sem leita skal heimilda og nota þær
fylgja skal helstu málnotkunarreglum við þessi skrif
beita meginreglum danskrar málfræði og setningafræði
túlka mismunandi bókmenntatexta
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál svo sem samræður og fjölmiðlaefni
skilja inntak erinda og annars flóknara efnis sem hann hefur kynnt sér
afla sér upplýsinga úr margvíslegum rituðum textum svo sem blaðagreinum, bókmennta- eða fræðitextum
draga eigin ályktanir af textum og setja þær fram bæði munnlega og skriflega
taka þátt í daglegum samræðum við fólk sem hefur dönsku að móðurmáli
skiptast á skoðunum og tjá hugmyndir sínar á áheyrilegan hátt
halda undirbúnar kynningar blaðalaust fyrir áheyrendur
skrifa læsilega og málfræðilega rétta lengri texta um valið efni á persónulegan og skapandi hátt
Námsmat er útfært í kennsluáætlun í samræmi við skólanámskrá.