Ætlað nemendum með undirstöðu í málun og teikningu. Í upphafi áfanga eru lögð fyrir verkefni þar sem reynir á teikni- og myndskipunarkunnáttu. Einnig eru frjáls viðfangsefni. Mikilvægt er að nemendur hafi góðan grunn í teikningu, myndbyggingu og formfærði og séu búnir með báða sónlistaáfanga skólans eða annað sambærilegt. Gerðar verða fjölbreyttar æfingar sem stuðla að betri skilningi á eðli og áhrifum lita. Sérstök áhersla verður lögð á litafjarvídd og dýpt í málverki. Verkefnin verða tengd við dæmi úr listasögunni. Farið verður í ljósmyndaferð og unnið verður upp úr afrakstri hennar. Sérstök áhersla á skynjun, greiningu og blöndun lita. Skoðaðar verða ýmsar leiðir til að stækka upp og nýta sér ljósmyndina í málverki. Áhersla lögð á þjálfun í litgreiningu og litablöndun. Í seinni hluta áfangans er unnið í frjálsri málun. Fjallað er um efnasamsetningu lita og íblöndunarefna og þau efni sem málað er á. Einnig er fræðsla um pensla og önnur verkfæri tengd málun.
SJÓN1TE05 OG SJÓN2LF05
Nemandi skal hafa öðlast þekkingu og skilning á:
mikilvægi réttrar meðhöndlunar efna og áhalda í málun
mismunandi stílbrigðum og aðferðum í málun
mismunandi áferðum í málun
helstu efnum sem notuð eru við olíumálun
Nemandi skal hafa öðlast leikni í að:
vinna með helstu efni sem notuð eru við olíumálun
nýta sér teiknikunnáttu sína, þekkingu á fjarvíddarreglum og myndbyggingu í málverkinu
ná valdi á blöndun lita
nýta sér litasamsetningar á markvissan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
þróa hugmynd og útfæra í málverk
skilgreina málverk ólíkra listamanna
fjalla um ólík listform í samhengi við hefðir og nýjar stefnur
kynna niðurstöður sínar á fjölbreyttan hátt
taka á virkan hátt þátt í umræðu um verkefni sín og annarra nemenda
Námsmat er útfært í kennsluáætlun í samræmi við skólanámskrá.