Í áfanganum er farið yfir uppbyggingu tölvunnar og grunnatriði hlutbundinnar forritunar í Java. Farið er yfir innviði tölvunnar, hugbúnað og hlutverk þeirra sem og helstu undirstöðuatriði hlutbundinnar forritunar til verkefnaúrlausna.
Nemandi skal hafa öðlast þekkingu og skilning á:
uppbyggingu tölvunnar
þróunarumhverfi fyrir Java
málfræði Java forritunarmálsins
athugasemdum í forritum
frumbreytum og reiknivirkjum
meðhöndlun texta (strengja)
klösum og hlutum
inntökum og úttökum á keyrslutíma
búlskum segðum, skilyrðissetningum og lykkjum
fylkjum og föllum
Nemandi skal hafa öðlast leikni í að:
skrifa, prófa, þýða og keyra einföld forrit
stýra flæði í forritum
nota fyrirfram skilgreinda klasa
aflúsa forrit
hanna einfalda leiki
hanna forrit sem framkvæmir einfaldar stærðfræðiformúlur
skipta forritum í minni einingar með aðferðum
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa uppbyggingu tölvunnar og helstu þáttum hennar
meta hvernig best er að greina, hanna og forrita einföld forrit
beita skipulegum aðferðum við að leysa úr viðfangsefnum og þrautum
sýna frumkvæði og frumleika við lausnir verkefna
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir skrifleg og verkleg verkefni. Skriflegt lokapróf.