Meginefni áfangans er algebra margliða og föll. Áhersla er lögð á stærðfræðileg vinnubrögð, framsetningu lausna og nákvæmni.
B í grunnskóla eða sambærilegur undirbúningur
Nemandi skal hafa öðlast þekkingu og skilning á:
margliðum og reikniaðgerðum þeirra
lausnum annars stigs jafna
skilgreiningu falla, for- og varpmengja og myndrænni túlkun falla
línum, skurðpunkti þeirra, teikningu lína og línulegum ójöfnum
annars stigs föllum, vísisföllum, rótarföllum, logrum, algildum og ræðum föllum
þáttareglunni og lausn þriðja stigs jafna með henni
Nemandi skal hafa öðlast leikni í að:
beita fjölbreyttum vinnubrögðum við lausn stærðfræðilegra verkefna
einfalda margliður
leysa annars stigs jöfnur með ólíkum aðferðum
túlka föll myndrænt
finna jöfnur lína útfrá punktum og skurðpunkt lína
finna núllstöðvar, for- og varpmengi falla og útgildispunkta þeirra
einfalda logra og leysa vísis- og lograjöfnur
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
skilja merkingu og tengsl hugtaka í námsefninu og vinna með þau
átta sig á tengslum ólíkra aðferða við framsetningu stærðfræðilegra hugmynda og viðfangsefna
geta fylgt og skilið röksemdir og röksamhengi í mæltu máli og texta, þar með taldar sannanir í námsefni
beita skipulegum aðferðum við að leysa úr viðfangsefnum og þrautum, s.s. út frá þekkingu á lausnum svipaðra þrauta
Fjölbreytilegt námsmat með áherslu á símat, tíða endurgjöf og leiðsögn. Virkni er metin, lögð eru fyrir verkefni og stutt próf eftir atvikum. Í áfanganum er lokapróf.