Byggt verður á þeim grunni sem lagður er í Sviðslistum 1. Áfram verður unnið með upphitunaræfingar, einbeitingu, framsögn og spuna en mismunandi aðferðum og kenningum í leiktækni og textameðferð á sviði blandað inn í það. Nemendur lesa leikrit, greina og vinna með ýmis konar leiktexta og öðlast innsýn í aðferðir helstu hugmyndasmiða leiklistarinnar, svo sem Stanislavskís, Brechts og Grotowskis og unnið með samsköpunaraðferð. Einnig verður horft á nokkur sviðs- og kvikmyndaverk og greiningar gerðar á þeim.
SVIÐ1GT05
Nemandi skal hafa öðlast þekkingu og skilning á:
hugmyndum Brechts, Stanislavskis og Grotowskis um leikhús
mismunandi aðferðum í senuvinnu
algengustu hugtökum helstu kennismiða meðal leikhúsmanna
samsköpunaraðferð
Nemandi skal hafa öðlast leikni í að:
greinina leiktexta með mismunandi aðferðum
vinna í hópum og samstarfi í spuna og greiningarvinnu
beita nokkrum lykilþáttum samsköpunaraðferðar í leikhúsvinnu
Nemandi skal geta hagnýtt þá almennu þekkingu og leikni sem hann hefur aflað sér til að:
nota ýmsar aðferðir við greiningar- og senuvinnu
greina eftir aðferðum hvaða leikhúslistamanns leiksýningar eru unnar
setja fram eigin hugmyndir um leikhús í ræðu og riti og rökstyðja þær
Námsmat er útfært í kennsluáætlun í samræmi við skólanámskrá.