Námskeiðið er sérnámskeið í einhverri grein sviðslista. Lögð er áhersla á að nemendur nái færni í þeirri tilteknu grein. Sem dæmi um greinar sem gætu verið í boði eru dans, gjörningalist og ýmsir þættir kvikmyndagerðar, svo eitthvað sé nefnt. Leitað verður til sviðslistafólks sem eru að starfa á svæðinu um kennslu í áfanganum.
SVIÐ2SS05
Nemandi skal hafa öðlast þekkingu og skilning á:
- uppruna og helstu einkennum viðkomandi listgreinar
- helstu þáttum vinnu viðkomandi listgreinar og skipulagningu hennar
- helstu kenningum sem að listgreininni snúa
Nemandi skal hafa öðlast leikni í að:
ástunda og skipuleggja vinnu við viðkomandi listgrein
beita nokkrum þekktum aðferðum innan listgreinarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í umræðum og greiningum á verkum innan greinarinnar