Eitt helsta markmið áfangans er krefjandi akademískur orðaforði í takt við það sem nemendur geta átt von á á háskólastigi. Áhersla er lögð á að nemendur vinni með fjölbreyttari og flóknari texta en áður, bæði texta í kennslubók og rauntexta. Þeir byggja ofan á almennan orðaforða vísinda og fræða sem þeir hafa tileinkað sér á fyrsta námsári. Nemendur kynnast bókmenntum rituðum á ensku. Þeir velja sér þekkt bókmenntaverk frá Bandaríkjunum eða Bretlandi og fjalla um það í málstofu. Nemendur þurfa að tjá hugsun sína skýrt og rökstyðja skoðanir sínar.
ENSK2UK05
Nemandi skal hafa öðlast þekkingu og skilning á:
orðaforða í ræðu og riti sem gerir honum kleift að tileinka sér með góðu móti lesefni í áframhaldandi námi eða starfi
mismunandi gerðum fræðitexta af ólíkum sviðum
bókmenntum rituðum á ensku, einkum bandarískum og breskum
sögu, þjóðfélagsfræði og menningu á helstu málsvæðum enskunnar
Nemandi skal hafa öðlast leikni í að:
lesa sér til fræðslu og/eða ánægju texta sem gera miklar kröfur til lesandans, bæði hvað varðar orðaforða og uppbyggingu
greina sögulegt, félagslegt, menningarlegt eða pólitískt samhengi í texta
nýta sér fyrirlestra, umræður og rökræður um efni fræðilegs og menningarlegs eðlis
skilja sér til gagns þegar fjallað er um flókið efni
átta sig á mismunandi málsniði og stíl í töluðu máli og undirliggjandi merkingu, viðhorfum og tilgangi þess sem talar
Nemandi skal geta hagnýtt þá almennu þekkingu og leikni sem hann hefur aflað sér til að:
beita málinu af lipurð og kunnáttu og geta tekið fullan þátt í umræðum og rökræðum
flytja vel uppbyggða frásögn, kynningu eða greinargerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum
lýsa skýrt og greinilega flóknum hlutum eða ferlum á sviði sem þeir hafa kynnt sér
skrifa texta sem uppfyllir akademískar kröfur um orðaforða og uppbyggingu