Í áfanganum kynnast nemendur almennri notkun einkatölva, Internetsins, skjalavistunar, töflureiknis og ýmiss hugbúnaðar til ritvinnslu, glærugerðar og tölvupóstssamskipta.
Nemandi skal hafa öðlast þekkingu og skilning á:
virkni þess hugbúnaðar sem kennt er á
möguleikum til að nýta hugbúnaðinn
skjalavistunaraðferðum
almennri notkun einkatölva
Nemandi skal hafa öðlast leikni í að:
vinna í þeim hugbúnaði sem kennt er á
fylgja fyrirmælum við vinnslu verkefna í viðkomandi hugbúnaði
setja upp og ljúka verkefnum samkvæmt fyrirmælum
vista skjöl sem hann vinnur með á viðeigandi stað
Nemandi skal geta hagnýtt þá almennu þekkingu og leikni sem hann hefur aflað sér til að:
nota þann hugbúnað sem kennt er á sjálfstæðan hátt
nýta hugbúnaðinn við aðrar aðstæður, í skóla og starfi
Námsmat í áföngum Tæknimenntaskólans er í höndum kennara viðkomandi áfanga en fyrirkomulag námsmatsins þarf að rúmast innan þess ramma sem kemur fram í verklagsreglu VKL-306 í Rekstrarhandbók skólans.