Í áfanganum er fjallað um ferðamennsku á Austurlandi. Móttöku ferðamanna, kynningu á mismunandi ferðaþjónustuaðilum og stofnunum á svæðinu s.s. Skriðuklaustri, Þjóðgarðsmiðstöð, óbyggðasafni og öðrum söfnum. Kynningu á afþreyingu s.s. „beint frá býli“, gönguleiðum, menningaratburðum á svæðinu, búskap, hestaferðum og útsýnisstöðum. Undirbúningur efnis fyrir ferðamenn er skoðaður og nemendur beita öllum erlendum tungumálum sem þeir hafa lært til að hanna kynningarefni, bæði ritað og sjónrænt. Fjölbreyttar aðferðir eru notaðar til að vinna að verkefnum og samtvinnun tækniaðferða nýtt í einstaklings og hópvinnu s.s. myndbandagerð á mismunandi tungumálum. Í þessum áfanga nota nemendur öll tungumálin sem þeir læra á alþjóðabraut.
Nemandi skal hafa öðlast þekkingu og skilning á:
ferðaþjónustu og helstu afþreyingarmöguleikum á Austurlandi
aðferðum, tækjum og tólum til að búa til einfalt og árangursríkt kynningarefni
undirstöðuatriðum í framsögn, framkomu og upplestri
því að útbúa margvíslega texta, meðal annars útdrátt og endursögn á ólíkum tungumálum
menningu, sögu, náttúrperlum og þjóðsögum svæðisins sem geta vakið áhuga erlendra ferðamanna
Nemandi skal hafa öðlast leikni í að:
flytja efni fyrir áheyrendur á mismunandi tungumálum
útbúa fjölbreytt kynningarefni; myndbönd, myndir og texta á mismunandi tungumálum
beita mismunandi kynningartækni eftir ólíkum hópum viðtakenda
Nemandi skal geta hagnýtt þá almennu þekkingu og leikni sem hann hefur aflað sér til að:
útbúa fjölbreytt ferða- og kynningargögn á mismunandi tungumálum
segja frá því helsta af svæðinu sem vakið gæti áhuga ferðamanna á mismunandi tungumálum
afla sér fjölbreyttra gagna til að hanna áhugaverða ferðakynningu