Í áfanganum er lögð áhersla á að nemandinn lesi sér til gagns og gamans og þroski bókmenntasmekk sinn.
Í áfanganum er lögð áhersla á tengingu lesandans við reynslu hans og þann veruleika sem við lifum í.
Kennari og nemandi hafa samráð um val á efni.
Í áfanganum reynir á samræður þar sem nemandi ræðir um það sem hann les við kennara.
Ekki eru skrifleg verkefni í þessum áfanga.
Nemandi skal hafa lokið ÍSLENSKU á 1. þrepi.
Nemandi skal hafa öðlast þekkingu og skilning á:
að bókmenntir eru þroskandi og kenna okkur ýmislegt um lífið
að bókmenntir hafa áhrif á hugmyndir okkar
að bókmenntir efla menningu
Nemandi skal hafa öðlast leikni í að:
finna þau atriði í verki sem hafa merkingu fyrir hann sem persónu
mynda sér skoðun á persónum, atburðum, sögusviði osfrv
hafa bókmenntahugtök í huga við lestur
koma skoðun sinni á bókmenntatextanum á framfæri í samræðum
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér það sem hann hefur ánægju af að lesa
nýta reynslu sína af lestri til persónulegs þroska
setja verk í samhengi við samfélagið sem hann lifir og hrærist í