Markmið áfangans er kynja- og jafnréttisfræðsla. Fjallað er um jafnrétti, karlmennsku/kvenmennsku, fjölmiðla, klámvæðingu, kynbundið ofbeldi, stjórnmál og fleira. Ýmsar birtingarmyndir kynjaskekkju skoðaðar og greindar. Lögð er áhersla á umræður og lýðræðislega nálgun í kennslunni, nemendur eru hvattir til að taka mikinn þátt og hafa áhrif á efnisþætti áfangans. Áfanginn byggir á virkni og þátttöku nemenda þar sem reynir á sjálfskoðun, greiningu á umhverfi sínu og umræðum um eigin viðhorf jafnt og annarra.
ÍSLE2ED05 (ÍSL2B05) eða FÉLA2BY05 (FÉL2A05)
Nemandi skal hafa öðlast þekkingu og skilning á:
á helstu hugtökum jafnréttismála
birtingarmyndum kynjaskekkju í nærsamfélagi
birtingarmyndum kynjaskekkju frá alþjóðlegu sjónarhorni
Nemandi skal hafa öðlast leikni í að:
beita hugtökum kynjafræði á ólíkar aðstæður
meta jafnrétti útfrá menningarlegum gildum samfélagsins
rýna í menningu og átta sig á stöðu kynjanna eins og hún birtist þar
Nemandi skal geta hagnýtt þá almennu þekkingu og leikni sem hann hefur aflað sér til að:
skilja helstu orsakir kynjaskekkjunnar samkvæmt hugmyndum kynjafræðinnar
geta tengt menningu samfélagsins, gildi og verðmæti við eigið líf
ígrunda viðhorf sín
setja sig í spor annarra
dýpka skilning á félagsheiminum sem hann býr í
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.