Nemendur læra grunnþætti litafræðinnar. Nemendur læra litablöndun og táknfræði lita.
Nemendur læra um eðli og merkingu myndbyggingar og gera mismunandi æfingar til að þjálfa samspil lita og myndbyggingar, m.a. með munsturgerð .
Kennt er á Photoshop með æfingum, sem m.a. þjálfa nemendur í að vinna með lagskiptar myndir til að þjálfa liti, form og myndbyggingu.
Nemendur þjálfast í að þróa eigin hugmyndir í tölvu með hjálp Photoshop út frá eigin áhugasviði.
Áhersla er lögð á að nemendur þjálfist í að koma frá sér hugmyndum á tölvutæku formi,
skoða verk sín og annarra og þjálfist í að gefa og taka við uppbyggilegri gagnrýni.
Nemendur kynnast verkum íslenskra samtímalistamanna og hönnuða.
Enginn.
Nemandi skal hafa öðlast þekkingu og skilning á:
hvernig litakerfi eru notuð í myndlist og hönnun
litablöndun og táknfræði lita
hvernig mismunandi litaspil og mismunandi myndbygging breytir virkni og áhrifum myndar
hvernig búa á til munstur
hvernig mála á með þekjulitum og akrýllitum
hvernig vinna má með lagskiptar myndir í Photoshop
hvernig unnin er hugmyndavinna í Photoshop
hvernig íslenskir myndlistarmenn og hönnuðir vinna
hvernig vinna má hugmynda- og skissubók í skjámiðli
mikilvægi þess að geta rætt um eigin verk og annarra
Nemandi skal hafa öðlast leikni í að:
blanda liti og vinna sjálfstætt myndverk
beita litum og skilja mismunandi tákn lita
byggja upp mynd með mismunandi myndbyggingu
búa til munstur
koma hugmyndum sínum á tölvutækt form og vinna með þær í Photoshop
vinna persónulega skissu- og hugmyndabók í skjámiðli
ræða um eigin verk og annarra
Nemandi skal geta hagnýtt þá almennu þekkingu og leikni sem hann hefur aflað sér til að:
blanda liti af öryggi og beita þeim á markvissan hátt ...sem er metið með... verkefnum
setja saman liti á markvissan og táknrænan hátt í myndverk og fatnað ...sem er metið með... verkefnum
vinna með sínar eigin hugmyndir í tölvu og þróa þannig upp hugmyndabanka ...sem er metið með... verkefnum
koma hugmyndum sínum frá sér með fjölbreyttum aðferðum ...sem er metið með... verkefnum
Símat þar sem öll verkefni nemenda verða metin með tilliti til tækni, fagurfræði, vinnusemi, vinnubragða og hvernig nemandi tekur tilsögn kennara.