Áfanginn er samstarfsverkefni Kvennaskólans í Reykjavík og Sintermeerten skólans í Heerlen í Hollandi. Um er að ræða nemendaskipti og er verkefnið styrkt af Comenius. Í áfangunum bera nemendur saman þessar tvær þjóðir með áherslu á menningu og tungumál. Nemendur skoða þróun málanna tveggja og stöðu þeirra í dag, menningu og listir, nafnasiði og þá skólamenningu sem ríkir í hvoru landi fyrir sig.
Engar
Nemandi skal hafa öðlast þekkingu og skilning á:
hollenskri menningu
skólastarfi í þeim skóla sem heimsóttur er og skólastarfi almennt í Hollandi
grunnorðaforða hollensku
þeim siðum og venjum sem tíðkast í Hollandi
þeim mun sem er á þróun annars vegar íslenskrar tungu og hins vegar hollenskrar og stöðu þessara tungumála í dag
þeim nafnasiðum sem tíðkast á Íslandi og Hollandi
þeim landfræðilega mun sem er á Íslandi og Hollandi og þau áhrif sem lega lands getur haft á þróun tungumáls og menningar
Nemandi skal hafa öðlast leikni í að:
vinna með fólki af öðru þjóðerni með ensku sem samskiptamál
eiga í hversdagslegum samskiptum við fólk af öðru þjóðerni
kynna sér menningu og þjóð annarra landa
kynna sér önnur tungumál, þróun þeirra og stöðu
kynna eigið land og þjóð fyrir fólki af öðru þjóðerni
afla sér á margvíslegan hátt upplýsinga um annað land, þjóð þess, menningu og tungumál og vinna úr þeim upplýsingum
Nemandi skal geta hagnýtt þá almennu þekkingu og leikni sem hann hefur aflað sér til að:
geta borið saman ólík lönd og þjóðir, menningu þeirra og tungumál
koma þekkingu sinni og skilningi á framfæri á margvíslegan hátt
nýta kunnáttu sína í ensku í umræðu, vinnu með öðrum og kynningum
ferðast til annarra landa og njóta þeirrar upplifunar.