Í þessum byrjunaráfanga er fjallað um rekstur fyrirtækja og umhverfi þeirra. Farið er yfir helstu þætti sem varða innra skipulag og ytri aðstæður fyrirtækja. Nemendur kynnast grunnþáttum rekstrarhagfræði. Lögð er áhersla á að nemendur kunni skil á uppbyggingu fyrirtækis sem efnahagsheildar, framleiðsluháttum og starfsgrundvelli, staðarvali, stefnumótun, markmiðssetningu, kostnaðargreiningu og samkeppni. Fjallað er um framleiðslu og afköst, tæki og mannafla, tekjur, kostnað og afkomu. Lögð er áhersla á að nemendur nýti sér þá þekkingu sem þeir hafa af eigin reynslu í atvinnulífinu. Nemendur þurfa að geta nýtt sér netið til upplýsingaöflunar.
Nemandi skal hafa öðlast þekkingu og skilning á:
grundvallarhugtökum rekstrarhagfræði
framleiðslu og innra skipulagi
rekstraráætlanagerð, fjármögnun og framlegð
verðútreikningi afurðar
Nemandi skal hafa öðlast leikni í að:
útskýra grundvallarhugtök rekstrarhagfræði
þekkja grunnþætti framleiðslu og innra skipulags
unnið með grunnþætti í rekstraráætlanagerð, fjármögnun og framlegð rekstri fyrirtækja
unnið með verðútreikning afurða
Nemandi skal geta hagnýtt þá almennu þekkingu og leikni sem hann hefur aflað sér til að:
beita grundvallarhugtökum hagfræðinnar
reikna með einföldum dæmum fjárhagslega afkomu fyrirtækja