Fjallað verður um helstu rannsóknaraðferðir félagsvísinda og rætt um kosti þeirra og galla. Kenningafræðilegur bakgrunnur rannsóknaraðferða verður skoðaður ásamt því hvernig ólíkar aðferðir tengjast mismunandi sjónarmiðum innan félagsvísinda. Fjallað verður um eigindlegar og megindlegar rannsóknaraðferðir og fá nemendur að kynnast þessum ólíku rannsóknarhefðum með því að beita þeim sjálfir á rannsóknarefni að eigin vali. Rætt verður um aðferðafræðileg og siðferðileg vandamál tengd rannsóknum og sú umræða tengd umfjöllun um niðurstöður rannsókna. Rannsóknarferlinu er lýst og fjallað um úrvinnslu, greiningu og kynningu niðurstaðna. Meginmarkmið áfangans er að nemandinn öðlist meiri skilning, þekkingu og áhuga á kenningum og rannsóknaraðferðum til þess að hann verði fær um að meta, taka afstöðu til og fjalla um rannsóknir félagsvísindamanna á gagnrýninn hátt.
STÆR2TÖ05
FÉLA2SS05
SÁLF2SS05
UPPE2SS05
Nemandi skal hafa öðlast þekkingu og skilning á:
inntaki kenninga í félagsvísindum
helstu hugtökum félagsvísinda
helstu rannsóknaraðferðum félagsvísinda
Nemandi skal hafa öðlast leikni í að:
velja á milli ólíkra rannsóknaraðferða og beita þeim á mismunandi viðfangsefni
miðla þekkingu sinni á tengslum kenninga og rannsókna, bæði skriflega og munnlega
setja fram rannsóknarspurningar og/eða tilgátur um rannsóknarverkefni að eigin vali
Nemandi skal geta hagnýtt þá almennu þekkingu og leikni sem hann hefur aflað sér til að:
tengja eigindlegar og megindlegar rannsóknir við helstu kenningar
leggja mat á hvaða rannsóknaraðferðir henta best við mismunandi aðstæður og á ólík viðfangsefni
framkvæma tvær rannsóknir, eigindlega og megindlega á viðfangsefni að eigin vali
kynna rannsóknarniðurstöður sínar á viðeigandi hátt
sýna sjálfstæði í vinnubrögðum, draga ályktanir af rannsóknarniðurstöðum sínum og rökstyðja skoðanir sínar
leggja gagnrýnið mat á niðurstöður eigin rannsókna og annarra