Í áfanganum lesa nemendur valin bókmenntaverk og vinna að ýmsum kynningar- greiningar- og ritunarverkefnum þeim tengdum, svo sem ritun gagnrýninna bókmenntaritgerða og skapandi textagerð á ensku.
10 einingar á hæfniþrepi 3
Nemandi skal hafa öðlast þekkingu og skilning á:
menningarlegu og sögulegu samhengi valinkunnra bókmennta
orðaforða sem gerir honum kleift að tileinka sér með góðu móti lesefni í námi eða starfi
helstu hugtökum í bókmenntafræði
mismunandi stefnum og straumum í bókmenntum
Nemandi skal hafa öðlast leikni í að:
tjá sig af öryggi um margvísleg málefni tengd bókmenntum og menningu
lesa sér til ánægju eða upplýsingar texta sem gera miklar kröfur til lesandans, ýmist hvað varðar orðaforða og uppbyggingu eða myndmál og stílbrögð
leggja gagnrýnið mat á texta, listrænt gildi hans og mismunandi stílbrögð höfunda
Nemandi skal geta hagnýtt þá almennu þekkingu og leikni sem hann hefur aflað sér til að:
beita málinu af lipurð og kunnáttu til þess að geta tekið fullan þátt í umræðum og rökræðum þar sem fjallað er um persónuleg, söguleg, félagsleg og menningarleg efni
flytja vel uppbyggða frásögn, kynningu eða greinagerð, draga fram aðalatriði og rökstyðja mál sitt með dæmum og bregðast við fyrirspurnum
tjá tilfinningar, nota hugarflug, beita stílbrögðum og líkingamáli á skapandi hátt
skrifa texta með röksemdafærslu þar sem fram koma rök með og á móti
Fjölbreytilegt námsmat með áherslu á símat, tíða endurgjöf og leiðsögn. Framsögur og kynningar eru metnar. Lokaritgerð.