Í áfanganum er lögð áhersla á að undirbúa nemendur undir frekara nám í íslensku á framhaldsskólastigi. Nemendur þjálfast í lestri fjölbreyttra texta og munnlegri og skriflegri umfjöllun um þá. Unnið er með undirstöðuatriði í málfræði og stafsetningu og farið yfir grunnhugtök í bókmenntafræði. Nemendur rita fjölbreytta texta og læra að nýta sér ýmis konar hjálpargögn á borð við handbækur, orðabækur og leiðréttingarforrit. Í áfanganum þjálfast nemendur í sjálfstæðum vinnubrögðum ásamt því að þeir fá tækifæri til að vinna með öðrum.
ÍSL1A04
Nemandi skal hafa öðlast þekkingu og skilning á:
grunnhugtökum í ritgerðarsmíð.
orðaforða umfram það sem algengt er í talmáli.
nokkrum tegundum bókmennta og nytjatexta og helstu hugtökum sem nýtast við umfjöllun um bókmenntir.
Nemandi skal hafa öðlast leikni í að:
að skrifa ýmsar tegundir texta í samfelldu máli þar sem framsetningin er skýr og skipulögð.
nota leiðréttingaforrit og til að lagfæra eigin texta.
beita blæbrigðaríku málsniði í tal- og ritmáli.
lesa sér til gagns og gamans texta sem gera nokkrar kröfur til lesenda.
Nemandi skal geta hagnýtt þá almennu þekkingu og leikni sem hann hefur aflað sér til að:
semja stutta texta af ýmsu tagi með viðeigandi málfari.
beita einföldum blæbrigðum í málnotkun til að forðast einhæfni og endurtekningar.
túlka og meta atburðarrás og persónur í bókmenntum eða annars konar frásögnum.
Leiðsagnarmat. Fjölbreytt verkefni metin jafnt og þétt yfir önnina. Áhersla lögð á vandaða endurgjöf sem vísar nemendum veginn. Engin skrifleg lokapróf.