Markmið áfangans er að nemendur bæti árangur sinn sem íþróttafólk og/eða þjálfarar með því að nýta hugræna eiginleika sína við æfingar og í keppni.
Í áfanganum er farið yfir helstu viðfangsefni íþróttasálfræðinnar og fjallað um þá þætti sem hafa áhrif á frammistöðu íþróttafólks s.s. hugræna þætti og hugsun, sjálfsmynd, áhugahvöt, streitu, kvíða og einbeitingu. Farið er yfir hvað þarf til að ná árangri í íþróttum og hvað einkennir afreksfólk. Einnig er fjallað um áhrif mannlegra samskipta í þjálfun einstaklinga og hópa.
Lögð er áhersla á umræður og lýðræðislega nálgun í kennslunni, nemendur eru hvattir til að taka þátt og hafa áhrif á efnisþætti áfangans. Áfanginn byggir á virkni og þátttöku nemenda þar sem reynir á sjálfskoðun, greiningu á umhverfi sínu og umræðum.
Nemandi skal hafa öðlast þekkingu og skilning á:
helstu hugrænu þáttum sem hafa áhrif á frammistöðu íþróttafólks
mikilvægi jákvæðrar sjálfsmyndar íþróttafólks
mikilvægi jákvæðrar hvatningar í íþróttum
áhrifum streitu og kvíða á frammistöðu íþróttafólks
því hvað íþróttaþjálfari getur haft mikil áhrif á árangur með þekkingu á undirstöðuatriðum íþróttasálfræði
Nemandi skal hafa öðlast leikni í að:
vinna markvist með sjálfstraust íþróttafólks
koma auga á og minnka streitu og kvíða meðal íþróttafólks
nýta sér hugræna þjálfun
setja sér skammtíma- og langtímamarkmið
Nemandi skal geta hagnýtt þá almennu þekkingu og leikni sem hann hefur aflað sér til að:
bæta sig í sinni íþrótt
nota skynmyndir í íþróttaþjálfun og keppni
geta náð betri árangri sem íþróttaþjálfari
setja sér árangurrík markmið
ýta undir innri áhughvöt hjá sjálfum sér og öðrum
andlegur undirbúningur fyrir keppni nýtist sem best
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.