Ný menntastefna er höfð til grundvallar og grunnþættir menntunar eru hafðir að leiðarljósi. Unnið verður út frá bókmenntatexta á sem fjölbreyttastan hátt. Léttir textar, ljóð, orðtök, danskar hefðir og venjur verða í fyrirrúmi. Nemendur nota hlustun, áhorf, skynjun og umræður til að nálgast það efni sem til umfjöllunar er hverju sinni.
Engar
Nemandi skal hafa öðlast þekkingu og skilning á:
Einföldum bókmenntatexta og því sem tengja má við hann
Málnotkun þeirri sem fram kemur í textunum sem verið er að vinna með hverju sinni
Texta sem nýtist í daglegu lífi
Gildi þess að geta lesið, hlustað, skynjað og tjáð sig á dönsku
Nemandi skal hafa öðlast leikni í að:
Skoða bókmenntatexta
Tileinka sér nýjan orðaforða á margvíslegan hátt
Njóta mismunandi bókmennta á dönsku
Líkja eftir framburði á algengum orðum, orðasamböndum og stuttum setningum með tjáningu
Skrifa stök orð, t.d orðalista, setningar og stutta texta
Skrifa stuttar kveðjur, s.s. póstkort
Nemandi skal geta hagnýtt þá almennu þekkingu og leikni sem hann hefur aflað sér til að:
Eiga samskipti við aðra á dönsku, t.d. með bréfum, í tölvupósti eða samtölum
Njóta fjölbreyttra bókmennta við hæfi hvers og eins
Njóta þess að horfa á danska þætti og skilja betur það sem fram fer
Ræða við aðra um danskar bókmenntir
Auka sjálfstæði sitt og trú á kunnáttu í öðru tungumáli
Skilja leiðbeiningar og upplýsingar, t.d. í tengslum við ferðir til Danmerkur o.fl.
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.