Ný menntastefna er höfð til grundvallar og grunnþættir menntunar eru hafðir að leiðarljósi, sérstaklega heilbrigði og velferð. Áhersla er lögð á hollustu, fjölbreytt fæðuval, samsetningu fæðutegunda, fæðuhringinn og velferð nemenda. Nemendur leysa verkefnin á sjálfstæðan hátt en einnig í samvinnu við aðra.
Engar
Nemandi skal hafa öðlast þekkingu og skilning á:
Mikilvægi hollrar næringar og á fjölbreyttu fæðuvali
Fæðuhringnum og samsetningu fæðunnar
Áhrifum fæðunnar á líkamann
Sjálfstæðum vinnubrögðum
Samvinnu og verkaskiptingu
Nemandi skal hafa öðlast leikni í að:
Skipuleggja eigin fæðu yfir daginn með tilliti til hollrar næringar og fjölbreytts fæðuvals
Lesa utan á umbúðir og sjá hvaða hráefni er í vörunni
Sjá úr hvaða fæðuflokkum maturinn er
Breyta uppskriftum til að gera þær hollari og prófa þær
Búa til innkaupalista og fara í innkaupaferðir
Vinna sjálfstætt og í samvinnu við aðra nemendur
Nemandi skal geta hagnýtt þá almennu þekkingu og leikni sem hann hefur aflað sér til að:
Skipuleggja fjölbreyttan og næringarríkan matseðil
Elda hollan og fjölbreyttan mat
Vinna með öðrum
Skipuleggja matseðil og kaupa inn
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.