Ný menntastefna er höfð til grundvallar og grunnþættir menntunar eru hafðir að leiðarljósi. Lögð er áhersla á að nemendur öðlist þekkingu á mismunandi störfum, mikilvægi þeirra og umhverfi. Nemendur kynnast helstu grunn- og framleiðslustörfum í samfélaginu og mikilvægi þess að hafa þá færni sem til er ætlast við að sinna þeim. Nemendur fræðast um réttindi sem þarf til að stjórna hinum ýmsu vinnuvélum og fáundirbúning fyrir slík námskeið. Fjallað verður um mikilvægi starfanna í nærumhverfi og þýðingu þeirra fyrir samfélagið í heild. Nemendur fræðast um réttindi og skyldur starfsmanna í viðkomandi greinum og öryggis- og hollustuhætti sem snúa að þessum störfum sérstaklega.
Engar
Nemandi skal hafa öðlast þekkingu og skilning á:
Mismunandi störfum sem tengjast framleiðslu
Mismunandi störfum sem tengjast iðnaði
Mikilvægi og þýðingu starfanna fyrir samfélagið
Margbreytileika mannlífsins í öllum störfum og mikilvægi þess að allir njóti jafnréttis
Helstu öryggis- og hollustuháttum sem tengjast störfunum og þeim réttindum sem nauðsynleg eru
Mikilvægi heilbrigðis og velferðar fyrir sjálfa sig og aðra sem þeir vinna með hverju sinni
Gildi góðrar hegðunar og breytni í samskiptum við annað fólk, dýr og umhverfi
Nemandi skal hafa öðlast leikni í að:
Beita hinum ýmsu verkfærum sem þörf er á hverju sinni
Stýra hinum ýmsu vélum sem þörf er á hverju sinni
Finna út og þekkja eigin færni og styrk til að vinna mismunandi störf
Vinna einir og/eða í samvinnu við aðra
Beita virkri hlustun og geta farið eftir fyrirmælum
Umgangast mismunandi starfsaðstæður og starfsfélaga/samstarfsmenn
Nemandi skal geta hagnýtt þá almennu þekkingu og leikni sem hann hefur aflað sér til að:
Vinna með mismunandi verkfærum og vélum
Vinna með mismunandi fólki
Vinna við mismunandi aðstæður
Sýna viðeigandi hegðun og gætni eftir þörfum
Taka leiðsögn og gagnrýni á uppbyggilegan hátt
Halda uppi samræðum við starfsfélaga
Sýna frumkvæði í starfi
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.