Ný menntastefna er höfð til grundvallar og grunnþættir menntunar eru hafðir að leiðarljósi. Í áfanganum er lögð áhersla á að efla skilning og þekkingu nemenda á því hvernig einyrkjastarfsemi og fyrirtæki eru skipulögð, búin til og rekin. Að nemendur átti sig á mikilvægi viðskiptaáætlana og öðlist þá grunnkunnáttu sem þarf til að búa til slíkar áætlanir. Að nemendur geti fylgt eftir og þróað viðskiptahugmynd og komið henni í framkvæmd í þeim tilgangi að skapa sér atvinnu.
Engar
Nemandi skal hafa öðlast þekkingu og skilning á:
Hugtakinu einyrkjastarfsemi
Hugtakinu fyrirtæki
Hugtakinu viðskiptaáætlun
Hvernig þörf fyrir þjónustu og/eða vöru er metin
Jafnrétti í samskiptum
Nemandi skal hafa öðlast leikni í að:
Gera þarfagreiningu
Nota hugarflug til að skapa nýjar hugmyndir – hugsa á skapandi hátt
Skiptast á skoðunum til að auka hugmyndaflæði
Vinna með öðrum í hópi að eigin og annarra hugmyndum
Búa til viðskiptaáætlun
Setja sér raunhæf markmið
Útskýra og rökstyðja verkefnið sitt
Nemandi skal geta hagnýtt þá almennu þekkingu og leikni sem hann hefur aflað sér til að:
Koma hugmyndum sínum um verkefni í framkvæmd
Sýna frumkvæði og skapandi hugsun
Skapa sér atvinnutækifæri
Vera virkur í samstarfi við aðra
Vera virkur og ábyrgur þátttakandi í samfélaginu
Námsmatið getur verið fjölbreytt og einstaklingsmiðað, s.s. leiðsagnarmat, jafningjamat, verkefnaskil, virkni í kennslustundum, mæting, sjálfsmat, ástundun og lokapróf. Regluleg endurgjöf er frá kennara á vinnuframlag nemenda og verkefnaskil.