Í áfanganum er heilbrigðishugtakið skilgreint. Lögð er áhersla á hlutverk og sögulega þróun heilbrigðisfræði og áhrif hennar á nútíma heilbrigðismál. Fjallað er um helstu heilbrigðisvandamál í nútíma samfélagi og forvarnir gegn þeim. Áhersla er lögð á forvarnarstarf gegn sjúkdómum og slysum, áhættuþætti sem þeim tengjast og hvernig einstaklingar geta haft áhrif á eigið heilbrigði. Fjallað er um skipulag heilbrigðisþjónustunnar og helstu stofnanir, sem móta stefnu í forvörnum, heilsueflingu og heilbrigðisfræðslu. Einnig er fjallað um smitsjúkdómavarnir, kynsjúkdómavarnir, tóbaksvarnir, áfengis- og vímuefnavarnir, geðvernd, beinvernd og mæðra- og ungbarnavernd.
Engar
Nemandi skal hafa öðlast þekkingu og skilning á:
sögu heilbrigðisfræðinnar og helstu hugtökum og rannsóknaraðferðum
eigin heilsu og þekki hvaða leiðir eigi að fara til að auka eigið heilbrigði
forvörnum og leiðum til að bæta heilbrigðisástand og efla heilbrigðisvitund
mismunandi heilbrigðis og félagslegum aðstæðum einstaklinga, viðhorfum og gildismati
helstu vímuefnum í umferð og áhrifum þeirra á heilbrigðisástand einstaklinga
helstu flokkum örvera, smitleiðum sýkla og vörnum gegn sýkingum
algengum sjúkdómum í nútíma samfélagi, orsökum þeirra og forvörnum
Nemandi skal hafa öðlast leikni í að:
nota og skilja þann orðaforða sem tilheyrir heilbrigðisfræði
efla og auka eigið heilbrigði
greina mismunandi aðstæður einstaklinga og skilja ólík viðhorf og gildismat
þekkja algengustu sjúkdóma , orsakir, helstu smitleiðir og varnir gegn þeim
Nemandi skal geta hagnýtt þá almennu þekkingu og leikni sem hann hefur aflað sér til að:
hafa áhrif á eigið heilbrigði og auka skilning og víðsýni á stöðu annarra í samfélaginu
nýta kunnáttu sína til að lifa heilbrigðu lífi og forðast aðstæður sem geta haft skaðlega áhrif
Lögð verður áhersla á fjölbreytt námsmat. Metin verða verkefni af ýmsu tagi sem nemendur leysa í kennslustundum og/eða heima.