Í náminu er lögð áhersla á að nemendur fari í fjórar dagsferðir (3-6klst) eða eina helgarferð þar sem gist er allavega eina nótt.
Þarna geta nemendur valið sér leið eftir hentugleika.
Bóklegur grunnur áfangans eru stuttir praktískir fyrirlestrar um gönguferðir, s.s. undirbúningur og búnaður í slíkum ferðum, fyrsta hjálp í óbyggðum, kortalestur og rötun, kynning á notkun GPS punkta, staðhættir og náttúrfar áfangastaða, ásamt gildi útivistar sem heilsuræktar.
Ferðin sjálf /ferðirnar geta verið farnar í samvinnu við ferðaþjónustuaðila eða áhugasamtök sem sérhæfa sig í gönguferðum á svæðinu, s.s. Ferðafélag Fljótdalshéraðs og Wildboys.
Áfanginn er símatsáfangi sem byggist m.a. á þremur námsþáttum: mætingu í fyrirlestra tengda áfanganum og síðan í ferðina sjálfa, frammistöðu nemandans í vettvangsferðunum og skilum á ferðaskýrslu.
Nemandi skal hafa öðlast þekkingu og skilning á:
gildi gönguferða sem heilsuræktar
mikilvægi góðs undirbúnings fyrir lengri og skemmri gönguferðir
búnaði og pökkun í bakpoka
þeim svæðum sem gengin eru (grunnþekkingu á veðráttu, landafræði, jarðfræði og sögu þeirra áfangastaða sem valdir eru)
Nemandi skal hafa öðlast leikni í að:
gera sig kláran í lengri og skemmri gönguferðir hvað varðar viðeigandi útbúnað og nesti
lesa á göngukort og geta þannig bjargað sér á merktum leiðum
þekkja náttúru á völdum gönguleiðum, t.d. hvað varðar helsta gróður og dýralíf svo og jarðsögu
Nemandi skal geta hagnýtt þá almennu þekkingu og leikni sem hann hefur aflað sér til að:
lesa á göngukort og velja sér leiðir út frá því
meta og ákveða hvaða búnað þarf til ferðar
safna saman upplýsingum, taka myndir og gera skýrslu úr áfanganum sem kemur til námsmat