Í áfanganum tileinka nemendur sér helstu undirstöðuþætti almennrar stærðfræði og öðlast um leið sjálfstraust og hugrekki til að glíma við margvísleg reikningsdæmi. Helstu þættir hagnýtrar stærðfræði eru í brennidepli, s.s. samlagning, frádráttur, margföldun og deiling, brot, verðútreikningar, prósentur o.fl.
Engar
Nemandi skal hafa öðlast þekkingu og skilning á:
Einföldum aðgerðum í stærðfræði s.s. samlagningu, margföldun, deilingu, hlutföllum og einföldum prósentureikningi
Framsetningu upplýsinga á myndrænan og lýsandi hátt
Nemandi skal hafa öðlast leikni í að:
Skrá lausnir sínar snyrtilega og skipulega
Nota vasareikni
Reikna í huganum
Lesa upplýsingar út úr einföldum myndum og gröfum
Nemandi skal geta hagnýtt þá almennu þekkingu og leikni sem hann hefur aflað sér til að:
Nýta stærðfræði í daglegu lífi
Geta metið hvaða aðgerðir í stærðfræði henta við ólík úrlausnarefni í daglegu lífi
Geti nýtt kunnáttu sína til að skilja og meta upplýsingar sem settar eru fram á myndrænan hátt
Lögð verður áhersla á fjölbreytt námsmat. Metin verða verkefni af ýmsu tagi sem nemendur leysa í kennslustundum og/eða heima.