Í áfanganum er fjallað um næringarefnin, hlutverk þeirra,
skortseinkenni og ráðlagða dagskammta. Ráðleggingar Lýðheilsustöðvar um
mataræði og næringarefni eru kynntar og nemendum kennt að setja saman
matseðla og dagsfæði samkvæmt þeim. Nemendur læra að notfæra sér
næringarefnatöflur/næringarfræðiforrit og reikna út næringargildi matseðla.
Fjallað er um flokkun fæðutegunda og næringargildi þeirra, áhrif matreiðslu á næringargildi og uppbyggingu máltíða. Fjallað er um næringarþarfir
mismunandi hópa. Gerð er grein fyrir gildandi lögum og reglugerðum um notkun aukefna í matvælum og vörumerkingum matvæla.
Engar
Nemandi skal hafa öðlast þekkingu og skilning á:
helstu næringarefnum í matnum og vita hvar þau er að finna.
ráðleggingum Lýheilsustofnunnar um næringu
lög og reglum um aukaefni og vörumerkingum matvæla
innihaldslýsingum á umbúðum utan um neysluvörur
næringarþörfum sérstakra hópa
næringarfræðiforritum/næringartöflum til að reikna út næringargildi einstakra fæðutegunda og fæðisins í heild
Nemandi skal hafa öðlast leikni í að:
lesa næringargildi einstaka matarteguna
lesa og nýta sér upplýsingar á matarumbúðum
nota næringarforrit
reikna út næringargildi matvæla eftir næringartöflum
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér fæðu samkvæmt ráðleggingum Lýheilsustofnunnar
reikna út næringargildi máltíða og dagsfæðis
setja saman hollan dagsmatseðil
lesa innihaldslýsingar á umbúðum utan um neysluvörur
vera fær um að nota næringarfræðiforrit til að reikna út næringargildi einstakra máltíða
Lögð verður áhersla á fjölbreytt námsmat. Metin verða verkefni af ýmsu tagi sem nemendur leysa í kennslustundum og/eða heima.