Þetta er grunnáfangi í sálfræði og ætlað að kynna nemendum fræðigreinina, eðli hennar sögu og þróun. Helstu sálfræðistefnur eru kynntar og grunnhugtök. Þá er fjallað um starfssvið sálfræðinga og helstu undirgreinar. Nemendur kynnast rannsóknaaðferðum sálfræðinnar bæði bóklega og verklega. Fjallað er sérstaklega um námssálfræði bæði á fræðilegan og hagnýtan hátt og nemendur læra um mismunandi tegundir náms og minnisaðferða. Fjallað er um samspil hugsunar, hegðunar og tilfinninga, sjálfsmynd, mannleg samskipti, þróun náinna sambanda og almennt um mannlegt eðli.
FÉLV1ÞF05
Nemandi skal hafa öðlast þekkingu og skilning á:
þróun fræðigreinarinnar sálfræði og tengslum við aðrar fræðigreinar
grundvallarhugmyndum sem móta kenningar í sálfræði
helstu frumkvöðlum í greininni
víðfeðmi sálfræðinnar og helstu undirgreinum hennar
hagnýtu gildi sálfræðinnar / hvernig sálfræði nýtist í daglegu lífi
leiðum sálfræðinnar til að skýra hugsun, hegðun og tilfinningar manneskjunnar
mótunaröflum einstaklinga og hópa
helstu tegundum náms, kenningar og hugtök um nám og minni
algengustu námsörðugleikum og ýmsar leiðir til að bæta eigin námstækni
helstu rannsóknaraðferðum í sálarfræði kenningum og hugtökum um nám
jákvæðri sálfræði og viðfangsefnum hennar
Nemandi skal hafa öðlast leikni í að:
skilja umfjöllun um helstu hugmyndir sem mótað hafa sálfræðina og greina viðfangsefni hennar út frá mismunandi sjónarmiðum greinarinnar
beita algengustu hugtökum sálfræðinnar á skýran og skilmerkilegan máta
skoða sína eigin hegðun og annarra út frá grundvallarhugmyndum sálfræðinnar
skoða eigin hugsun og tilfinningar út frá grundvallarhugmyndum sálfræðinnar
tjá kunnáttu sína á munnlegan og skriflegan hátt
beita mismunandi aðferðum við upplýsingaöflun og tilraun sem rannsóknaraðferð
beita hugtökum námssálarfræðinnar, greina mismunandi aðferðir til náms og nota kenningar námssálarfræðinnar á eigið nám
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir mótunaráhrifum umhverfis á sjálfan sig og aðra
gera sér grein fyrir samspili hegðunar, hugsunar og tilfinninga
geta með einföldum hætti yfirfært sálfræðilega þekkingu á eigin sjálfsmynd
tjá sig skipulega um einstaka efnisþætti á gagnrýninn hátt
afla sér upplýsinga, greina helstu atriði þeirra og hagnýta sér þau við verkefnavinnu
geta framkvæmt einfalda rannsókn (tilraun), skilið niðurstöður og sett skilmerkilega fram í rannsóknarritgerð
vinna rétt með heimildir í skýrslum og öðrum sálfræðitengdum verkefnum
bæta námstækni sína og minnistækni með aðstoð aðferða sem fjallað er um í áfanganum
Námsmat er útfært í kennsluáætlun í samræmi við skólanámskrá.