Byggt er á þeirri kunnáttu sem nemendur hafa aflað sér. Nemendur notast við les- og vinnubækur, gera hlustunar- og munnlegar æfingar. Orðaforði eykst.
Nemendur vinna ýmis verkefni (munnleg eða skrifleg) með og án hjálpar upplýsingatækni. Verkefnin eru ýmist einstaklings- eða hópverkefni. Lögð er áhersla á frumkvæði nemenda og að þeir fylgist með eigin stöðu í náminu og framförum sínum. Áfanginn er á hæfniþrepi A1 samkvæmt evrópska tungumálarammanum.
SPÆN1SA05
Nemandi skal hafa öðlast þekkingu og skilning á:
• orðaforða sem tengist efni áfangans
• völdum atriðum í menningu Spánar og Rómönsku Ameríku
• völdum grundvallarþáttum í uppbyggingu spænska málkerfisins
• textum sem fjalla um efni sem tengist námsefni áfangans eða undanfara hans
• ýmsum leiðbeiningum í talmáli sem tengjast námsefni áfangans
Nemandi skal hafa öðlast leikni í að:
• skilja talað mál um efni sem tengist námsefni áfangans þegar talað er skýrt og áheyrilega
• lesa texta sem tengist námsefni áfangans
• taka þátt í einföldum samskiptum og tjá sig um efni sem nemandinn þekkir
• segja frá efni sem tengist námsefni áfangans
• skrifa einfaldan texta sem tengist námsefni áfangans
• nýta sér upplýsingatækni eða önnur hjálpargögn við tungumálanám sitt
Nemandi skal geta hagnýtt þá almennu þekkingu og leikni sem hann hefur aflað sér til að:
• lesa texta og greinar, ef fjallað er um efni sem er nemandanum kunnuglegt
• geta gefið helstu upplýsingar um sjálfa/n sig og aðra
• svara spurningum ef spurt er um málefni sem tengjast námsefni áfangans
• skrifa um málefni sem tengjast námsefni áfangans
• ná helstu upplýsingum úr töluðu máli, ef talað er um málefni sem honum eru kunnugleg
• meta eigið vinnuframlag og annarra
Í lok áfangans er próf sem gildir á móti ýmisskonar vinnu, verkefnum (skriflegum, munnlegum og hlustun) og ástundun nemandans á önninni.