Í áfanganum er fjallað um menningu frá mismunandi sjónarhorni ólíkra félagsgreina á menningu; í þessum áfanga er áherslan einkum á evrópska og íslenska menningu og birtingarmyndir hennar.
Áhersla er lögð á virkni nemenda og fjölbreytni í gagnanotkun og framsetningu. Verkefnin felast í skriflegum verkefnum þar sem tekin er sjálfstæð afstaða til fyrirliggjandi námsefnis og hóp- og paraframsöguverkefnum. Gert er ráð fyrir að nemendur sæki kennslustundir og taki virkan þátt í umræðum og verkefnavinnu.
Engar
Nemandi skal hafa öðlast þekkingu og skilning á:
• hugtökum, kenningum, viðfangsefnum og aðferðum helstu félagsgreina
• mismunandi sjónarhorn ólíkra félagsgreina á menningu
• orsökum mismunandi menningar við ólíkar aðstæður
• þýðingu menningar og mismunandi birtingarmynda hennar
• þýðingu menningarfræði fyrir upplýsta samfélagslega umræðu og gagnrýna hugsun
• hugmyndum og umræðum um gildi mismunandi menningar
• helstu sérkennum íslenskrar menningar í samanburði við evrópska menningu
Nemandi skal hafa öðlast leikni í að:
• setja viðfangsefni fram á skýran, aðgengilegan og fjölbreyttan hátt
• temja sér skilvirk vinnubrögð, frumkvæði og samvinnu við nám og störf
• verja rökstudda afstöðu sína
• taka þátt í umræðu og greina samfélagsleg málefni á gagnrýninn hátt
• beita kenningum á viðfangsefni greinar og við lausn hagnýtra verkefna
• beita upplýsingatækni við þekkingarleit
Nemandi skal geta hagnýtt þá almennu þekkingu og leikni sem hann hefur aflað sér til að:
• taka þátt í málefnalegum umræðum
• rökræða skoðanir annarra á yfirvegaðan og fordómalausan hátt
• útskýra menningu og viðhorf fólks á ýmsum stöðum og tímum
• efla siðferðilega dómgreind sína
• greina upplýsingar og efni fjölmiðla um menningu á gagnrýninn hátt
• greina áhrif umhverfis og sögu á menningu
• sýna frumkvæði í verkum sínum og samskiptum
• auka framtíðarmöguleika sína í áframhaldandi námi eða starfi og daglegum viðfangsefnum
Í áfanganum er lokapróf en vinnueinkunn vegur því sem næst jafn mikið og er að mestu gefin út frá mati á verkefnum, mati á viðhorfum og virkni í námi og frammistöðu á annarprófi.