Lagður er grunnur að vinnubrögðum í stærðfræði, nákvæmni í framsetningu, röksemdafærslu og lausnum verkefna og þrauta. Lögð er áhersla á talnareikning, lausn jafna, prósentureikning auk rúmfræði þar sem samsíða línur, þríhyrninga þar sem nemendur kynnast hornaföllunum í rétthyrndum þríhyrningum. Um bekkjarkennslu er að ræða og fer kennslan að mestu leyti fram í formi fyrirlestra. Nemendur vinna ýmist sjálfstætt, í pörum eða í hópum.
Grunnskólapróf.
Nemandi skal hafa öðlast þekkingu og skilning á:
• talnareikningi, forgangsröð aðgerða
• veldareglum og veldareikningi
• hlutfallareikningi, prósentureikningi
• vöxtum og vaxtavöxtum
• þríhyrningum og hornaföllum
• jöfnum af fyrsta stigi, tveimur jöfnum með tveimur óþekktum stærðum, óuppsettum jöfnum
Nemandi skal hafa öðlast leikni í að:
• beita þeim reglum sem tilheyra námsefninu og leysa verkefni og dæmi sem lögð eru fyrir
• beita reiknireglum í tengslum við heil og brotin veldi
• setja upp og leysa jöfnur sem innihalda tvær óþekktar stærðir
• reikna stærð allra horna og hliða í þríhyrningum með notkun hornafalla og öðrum reiknireglum
• setja upp og leysa jöfnur sem innihalda tvær óþekktar stærðir
• reikna stærð allra horna og hliða í þríhyrningum með notkun hornafalla og öðrum reiknireglum
Nemandi skal geta hagnýtt þá almennu þekkingu og leikni sem hann hefur aflað sér til að:
• setja sig inn í og túlka útskýringar og röksemdir annarra
• skrá lausnir sínar skipulega, skiptast á skoðunum um þær við aðra og útskýrt hugmyndir sínar
• beita skipulegum aðferðum við lausnir þrauta úr kunnuglegu samhengi og geta útskýrt aðferðir sínar
• beita gagnrýninni og skapandi hugsun og sýna áræðni, frumkvæði, innsæi og frumleika við lausnir
• klæða hversdagsleg verkefni í stærðfræðilegan búning, geta leyst þau og túlkað lausnir
• fylgja og skilja röksemdir í mæltu máli og texta og beitt einföldum röksemdum
Námsmat er samsett úr vinnueinkunn sem endurspeglar ástundun og vinnu í tímum svo og skriflegu lokaprófi í lok annar.