Hefðbundin kennsla fer fram í kennslutímum, þar sem hvatt er til umræðu og fyrirspurna eftir því sem tilefni gefast til. Mikil áhersla er lögð á dæmareikning. Auk þessa eru verklegar æfingar í raungreinastofu. Í raungreinastofu er tölvubúnaður sem gerir nemendum kleift að hefja skýrslugerð og útreikninga jafnframt tilrauninni. Lögð er áhersla á að nemendur noti tölvuforrit við úrvinnslu niðurstaðna. Nemendum er ætlað að tileinka sér og öðlast skilning á efni kennslutexta og viðbótarefni sem fram kemur í kennslustundum. Einnig eiga þeir að ná tökum á skýrslugerðarformi og tölfræðilegri úrvinnslu gagna í verklegum tilraunum.
EFNA2LT05
Nemandi skal hafa öðlast þekkingu og skilning á:
• hraða og gangi efnahvarfa
• efnajafnvægi, jafnvægislögmálinu og jafnvægisföstum
• söltum í vatnslausn, leysni og leysnimargfeldi
• jafnvægi í sýru-/basalaunum, sjálfsjónun vatns, jafnvægisfastanum Kv, pH
• óreiðu, öðru og þriðja lögmáli varmafræðinnar, sjálfgengum efnahvörfum, Gibbs frjálsorku
• stillingu oxunar-afoxunarjafna
Nemandi skal hafa öðlast leikni í að:
• finna hraðafasta út frá mælingum
• finna helmingunartíma hvarfa
• álykta um hraðatakmarkandi skref í hvarfgangi út frá hraðalögmáli
• ákvarða jafnvægisstöðu hvarfs
• finna styrk efna við jafnvægi
• skilja tengsl hraðafasta og jafnvægisfasta
• geta notað lögmál le Châteliers
• finna sýrustig (pH) lausna
• geta teiknað og túlkað títrunarferil
• velja litvísi fyrir títrun
• beita nálgunum í reikningum
• reikna óreiðu efnahvarfa og ákvarða hvort efnahvörf eru sjálfgeng
• geta reiknað frjálsorku
• framkvæma verklegar æfingar í tilraunastofu
Nemandi skal geta hagnýtt þá almennu þekkingu og leikni sem hann hefur aflað sér til að:
• beita skipulegum aðferðum við úrlausn dæma
• túlka orðadæmi og klæða þau í stærðfræðilegan búning
• setja upp jöfnur og leysa þær með viðeigandi mælieiningum
• leggja mat á úrlausnir sínar og álykta um hvort þær standist
• beita gagnrýninni hugsun og sýna innsæi og útsjónarsemi við lausnir verkefna
• skrá lausnir sínar skipulega og útskýra þær í rituðu máli
• standast þær kröfur sem gerðar eru til áframhaldandi náms í efnafræði á háskólastigi
• meta mikilvægi efnafræði í raunvísindum
• geta rökrætt og tekið afstöðu til álitamála í samfélaginu þar sem efnafræði kemur við sögu, svo sem mengunarmála, umhverfismála, heilbrigðismála o.s.frv.