Áfanginn byggist upp á lestri ólíkra texta og ýmiskonar ritun. Mikil áhersla verður lögð á að nemendur lesi texta sér til ánægju og stuðli þannig að aukinni lestrarfærni og túlkun. Í áfanganum verða nemendur þjálfaðir í ólíkum gerðum ritsmíða bæði skapandi skrifum og nytjatextum. Nemendur munu læra helstu hugtök bókmenntafræðinnar og hvernig á að beita þeim. Þá munu nemendur styrkja eigin málfærni með því að flytja endursagnir og kynningar
Nemandi hafi lokið íslensku úr grunnskóla með lágmarkseinkunn 8 eða hafi lokið undirbúningsáfanga á fyrsta hæfniþrepi
Nemandi skal hafa öðlast þekkingu og skilning á:
mismunandi tegundum bókmennta og grunnhugtökum í bókmenntafræði
ritreglum sem nýtast í tal- og ritmáli
mikilvægi lesturs og lesskilnings almennt
Nemandi skal hafa öðlast leikni í að:
lesa sér til gagns og ánægju ýmiskonar texta og geta fjallað um inntak þeirra
semja mismunandi texta þar sem gagnrýninni og skapandi hugsun er beitt
nota viðeigandi hjálpargögn við ritun texta
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja eigin málfærni með því að nýta upplýsingar úr handbókum
taka þátt í málefnalegum umræðum
lesa mismunandi texta sér til ánægju
skrifa skapandi texta
Notast verður við fjölbreyttar námsmatsaðferðir en í því felst m.a. að nemendur athugi ýmsa þætti efnisins, haldi fyrirlestra og taki þátt í umræðum í sambandi við þá, taki ýmis smápróf og leysi ýmiskonar verkefni. Gera má viðveru og virka þátttöku að skilyrði til að standast áfangann